පොසොන් පොහොයට අනුරාධපුරය බලා යන ජනතාවට විශේෂ ප්‍රවාහන සේවා..

COLOMBO (News 1st) - පොසොන් පොහොය වෙනුවෙන්, අනුරාධපුරය, තන්තිරිමලය හා මිහින්තලය බලා යන ජනතාවට විශේෂ බස් රථ සේවා ක්‍රියාත්මක බව, ලංකා ගමනාගමන මණ්ඩලය පවසයි. 

එහි සභාපති ලලිත් ද අල්විස් මහතා සඳහන් කළේ, සිතුල්පව්ව කේන්ද්‍ර කර ගනිමින් ද විශේෂ බස් සේවා ක්‍රියාත්මක බවයි. 

ඒ අනුව අතිරේක බස් රථ 400 ක් ධාවනයට එක් කිරීමට බලාපොරොත්තු වන බවද සභාපතිවරයා පැවසුවේ ය.

මේ අතර, පොසොන් පොහොය වෙනුවෙන් විශේෂ දුම්රිය සේවා ද ක්‍රියාත්මකයි.