වෙසක් පොහොය වෙනුවෙන් සිරකරුවන් 278කට ජනපති සමාව

by Staff writer 23-05-2024 | 6:06 AM

COLOMBO (News 1st) - වෙසක් පොහොය වෙනුවෙන් සිරකරුවන් 278 දෙනෙකුට ජනාධිපති සමාව පිරිනමා තිබේ.

බන්ධනාගාර කොමසාරිස් මාධ්‍ය ප්‍රකාශක ගාමිණී බී. දිසානායක මහතා පැවසුවේ, ඔවුන් අද (23) නිදහස් කිරීමට නියමිතව ඇති බවයි.

නිදහස් කිරීමට නියමිතව ඇති කාන්තා රැඳවියන් ගණන 10කි.

ජනාධිපතිවරයා විසින් එම සිරකරුවන්ට විශේෂ රාජ්‍ය සමාව පිරිනමා තිබේ.

මේ අතර වෙසක් පොහොය දිනය නිමිත්තෙන් අද හා හෙට දින බන්ධනාගාරගත රැඳවියන්ට අමුත්තන් බැලීම සඳහා විශේෂ අවස්ථාවක් බන්ධනාගාර දෙපාර්තමේනතුව විසින් සලසා ඇත.

බන්ධනාගාර කොමසාරිස් (මාධ්‍ය ප්‍රකාශක) ගාමිණී බී. දිසානායක මහතා පැවසුවේ, රැඳවියන්ගේ ඥාතීන් විසින් රැගෙන එන ආහාර, රසකැවිලි හා සනීපරක්ෂක ද්‍රව්‍ය පමණක් එක් රැඳවියෙකුට ප්‍රමාණවත්වන පරිදි පමණක් ලබාදීමට අවස්ථාව ලබා දී ඇති බවයි.

සියලු සෞඛ්‍ය මාර්ගෝපදේශයන්ට අනුකූලව එම අමුත්තන් පෙනන්වීමේ කටයුතු දිවයිනේ සියලුම බන්ධනාගාර ආයතනයන් තුළ සිදු කරනු ඇත.