බඩ ඉරිඟු වගාව ආශ්‍රිතව තවත් රෝගී තත්ත්වයක්

COLOMBO (News 1st) - අධික වර්ෂාපතනයත් සමග බඩ ඉරිඟු වගාව ආශ්‍රිතව රෝගී තත්ත්වයක් පැතිර යමින් ඇතැයි, කෘෂිකර්ම දෙපාර්තමේන්තුව පවසයි.

එම රෝග හඳුන්වන්නේ, කොකු අංගමාරය සහ කඳ කුණු වීමේ රෝගය ලෙසයි.

අනුරාධපුර, අම්පාර, මොණරාගල සහ හම්බන්තොට ප්‍රදේශවල බඩ ඉරිඟු වගාව ආශ්‍රිතව එම රෝග තත්ත්වයන් වාර්තා වන බව,උතුරු මැද පළාත් අතිරේක කෘෂිකර්ම අධ්‍යක්ෂක බුද්ධික අබේසිංහ මහතා සඳහන් කළේ ය.

ඔහු පැවසුවේ ඒ හේතුවෙන් මේ වන විට අක්කර 1000 කට ආසන්න ප්‍රමාණයක් විනාශ වී ඇති බවයි.

එම රෝග තත්ත්වය පවතින බඩ ඉරිඟු ශාක හදුනා ගන්නා ආකාරය ද, බුද්ධික අබේසිංහ මහතා පැහැදිලි කළේ ය.