ඉන්දුනීසියාවේ පළමු අධිවේගී දුම්රිය මාර්ගය ජනතා අයිතියට

කර්තෘ Sagarika Chathumali

02 Oct, 2023 | 4:19 pm

කර්තෘ Sagarika Chathumali 02 Oct, 2023 | 4:19 pm

COLOMBO (News 1st) – ඉන්දුනීසියාව සිය ප්‍රථම අධිවේගී දුම්රිය මාර්ගය ජනතා අයිතියට පත් කර තිබේ.

චීන ජනපතිගේ – එක් තීරයක් එක් මාවතක් – සැලැස්ම යටතේ චීන අනුග්‍රය ඇතිව ඉදිකෙරුණු මෙම ව්‍යාපෘතිය සඳහා වැය වී ඇති මුදල අමෙරිකානු ඩොලර් බිලියන 7.3 කි.

ඉන්දුනීසියා ජනාධිපති ජොකෝ විඩෝඩෝ අතින් විවෘත කෙරුණු මෙම නව දුම්රිය මාර්ගය ජකර්තා අගනුවර සහ ප්‍රධානතම ආර්ථික කේන්ද්‍රස්ථානයක් වන බැන්ඩුං වෙත සම්බන්ධ වේ.

පැයට කිලෝමීටර් 350 ක වේගයකින් ධාවනය කෙරෙන මෙම දුම්රිය හූෂ් ලෙස නම් කර ඇත්තේ, විශ්වාසය සහ කාලය ඉතිරි කිරීම යන අර්ථය ඇතිවයි.

2019 වසරේදී විවෘත කිරීමට නියමිතව තිබූ දුම්රිය ප්‍රමාද වූයේ, ඉඩම් වෙන් කර ගැනීමේ ගැටලු සහ කොවිඩ් වසංගතය සහ ව්‍යාපෘතිය සඳහා තවත් අමතර ඩොලර් බිලියන 1.2ක් වැය වීම හේතුවෙනි.

ඉන්දුනීසියානු වාර්තා සඳහන් කරන්නේ, අධිවේගී දුම්රිය මාර්ගය නිසා එරට ආර්ථික වර්ධනය වනු ඇති බවයි.

මෙම අධීවේගී දුම්රිය මාර්ගය චීන ජනාධිපති ෂී ජින් පින්ගේ දේශීය යටිතල පහසුකම්වල ආයෝජනය හරහා ගොඩබිම සහ මුහුද යා කරමින්ආසියාව , අප්‍රිකාව සහ යුරෝපය යා කරන – ඒක් තීරයක් ඒක් මාවතක් – දස අවුරුදු සැලැස්මේ එක් ව්‍යෘපෘතියකි.

අග්නිදිග ආසියාවේ විශාලතම ආර්ථීකය හිමි ඉන්දුනීසියාව සිය වෙළඳ සහකරු වන චීනයේ බොහෝ ආයෝජන සිදු කරමින් තිබීම ද විශේෂත්වයකි.