COLOMBO (News 1st) – ලෝක කුසලාන ක්‍රිකට් තරගාවලිය සඳහා ශ්‍රී ලංකාව සමග පැවැති පුහුණු තරගය බංග්ලාදේශය කඩුලු 7කින් අද (29) ජය ගෙන තිබේ.

ගුවහටිහිදී පැවැති තරගයේ කාසියේ වාසිය දිනූ ශ්‍රී ලංකා නායක දසුන් ශානක පළමුවෙන් පන්දුවට පහර දීමට තීරණය කළේ ය.

ශ්‍රී ලංකා ඉනිම ආරම්භ කළේ, පැතුම් නිස්සංක සහ කුසල් ජනිත් පෙරේරා.

කුසල් ජනිත් පෙරේරාට ලකුණු 34කට පිටියෙන් ඉවත් වීමට සිදු වුණේ ආබාධයකට ලක් වීමත් සමගයි. 

අනතුරුව පැතුම් නිස්සංක සමග එක් වූයේ කුසල් මෙන්ඩිස්.

ආරම්භක පිතිකරු පැතුම් නිස්සංක පන්දු 64කින් ලකුණු 68ක් රැස් කළේ ය.

4 පහර 8ක් සහ 6 පහරක් ඔහුගේ ඉනිමට ඇතුළත් වේ.

ශ්‍රී ලංකා මැද පෙළ ශක්තිමත් කළ ධනංජය ද සිල්වා ලකුණු 55ක් රැස් කළේ ය.

මෙහිදී හසන් ලකුණු 36ට කඩුලු 3යි. 

තරගයේ පළමුවෙන් පන්දුවට පහර දුන් ශ්‍රී ලංකා කණ්ඩායම  සියලු දෙනා දැවී ලකුණු 263ක් රැස් කළේ ය. 

බංග්ලාදේශ පිළිතුරු ඉනිම ආරම්භ කළේ ටන්සිඩ් හසන් සහ ලිටන් ඩාස්.

ඔවුන් දෙදෙනා පළමු කඩුල්ලට ලකුණු 131ක සබඳතාවක් ගොඩනැගුවේ ය.

ලිටන් ඩාස් ලකුණු 61යි.

හසන් ලකුණු 84ක් රැස් කළේ 4 පහර 10ක් සහ 6 පහර 2ක්ද සමගිනි.

ලකුණු 264ක ඉලක්කයක් හඹා ගිය  බංග්ලාදේශය තරගය ජය ගත්තේ කඩුලු 3ක් දැවී සිටියදීයි.

• විශ්‍රාමික දීමනා ජීවන වියදම් දර්ශකයට සමානුපාතිකව ඉහළ නැංවීම සඳහා සූත්‍රයක් සකසන්න – ක්‍රම සහ විධි පිළිබඳ කාරක සභාව විශ්‍රාම වැටුප් දෙපාර්තමේන්තුවට නිර්දේශ කරයි..
• උසස් පෙළ විභාගයට අදාළ විශ්වවිද්‍යාල කඩඉම් ලකුණු නිකුත් කෙරේ
• උගන්ඩාව 2024 පන්දුවාර 20 යි 20 ලෝක කුසලානයට සුදුසුකම් ලබයි
• දේවගැති ජෙරම් ප්‍රනාන්දු CID අත්අඩංගුවට
• ඊශ්‍රායලය – හමාස් සටන් විරාමය අවසන්
• අල්ලස් ගත් කඳාන දූෂණ විමර්ශන අංශයේ ස්ථානාධිපති අත්අඩංගුවට..
• ලෝක ඒඩ්ස් දිනය අද..
• වේයන්ගොඩ අවන්හලක් අසල පුද්ගල ඝාතනයක්
• බෙංගාල බොක්ක ආශ්‍රිතව සුළි කුණාටු අවදානමක්….මුහුදු යාමෙන් වළකින්න – කාලගුණයෙන් අවවාද
• ඩීසල් මිල අඩු කළත් බස් ගාස්තු අඩු කරන්න බැහැ – බස් සංගම්