නබිතුමන්ගේ ජන්ම දිනය වෙනුවෙන් ලෝකවාසී ඉස්ලාමීය ජනතාවට ජනපතිගෙන් සුබ පැතුම්!

COLOMBO (News 1st) - මුහම්මුද් නබිනායකතුමාගේ ජන්ම දිනය සමරන ශ්‍රී ලාංකික ඉස්ලාමීය ජනතාවට මෙන්ම ලෝකවාසී සියලු ඉස්ලාමීය ජනතාවට ජනාධිපති රනිල් වික්‍රමසිංහ මහතා සුබපැතුම් එක් කර තිබේ.

ජනාධිපතිතුමන් සඳහන් කළේ, එකල සමාජය තුළ ඉස්ලාම් දහම පිළිබඳ පණිවුඩය ඉදිරිපත් කිරීමේදී නබිනායකතුමා ලද කටුක අත්දැකීම් සුළුපටු නොවන බවයි.

විශ්වාසය සහ මිනිසත් බව වෙනුවෙන් කළ අසීමිත කැප කිරීමක ප්‍රතිඵලයක් ලෙස එතුමා ප්‍රාර්ථනා කළ විජයග්‍රහණය උදා කර ගැනීමට හැකි වූ බව ද ජනාධිපති රනිල් වික්‍රමසිංහ මහතාගේ සුබපැතුම් පණිවුඩයේ සඳහන් විය.