COLOMBO (News 1st) – බුත්තල ප්‍රදේශය ආශ්‍රිතව සුළු භූ කම්පනයක් සිදුව තිබේ.

භූ විද්‍යා සමීක්ෂණ හා පතල් කාර්යාංශය පැවසුවේ, එහි ප්‍රබලත්වය මැග්නිටියුඩ් ඒකක 2.4 ක් ලෙස සටහන්ව ඇති බවයි.

ඊයේ (25) රාත්‍රී 11.20ට පමණ භූ කම්පනය හටගෙන ඇතැයි භූ විද්‍යා සමීක්ෂණ හා පතල් කාර්යාංශය පැවසීය.

පසුගිය මාස කිහිපයේදීම දිවයිනේ ස්ථාන කිහිපයකින් භූ කම්පණ වාර්තා වුණි.

වැල්ලවාය සහ බුත්තල ප්‍රදේශවලින් මැග්නිටියුඩ් ඒකක 3 මැග්නිටියුඩ් ඒකක 3.5 භූ කම්පණ වාර්තා වුණේ, පෙබරවාරී 10 වැනි දායි.

පෙබරවාරී 11 වැනි දා වැල්ලවායෙන් මැග්නිටියුඩ් ඒකක 2.3 ක තවත් භූ කම්පනයක් වාර්තා විය.

පෙරවරු 8.45 ත් 9.00 ත් අතර කාල සීමාව තුළ බුත්තල, උනාවටුන ප්‍රදේශයේ භූ චලන කිහිපයක් සිදුවන්නේ පෙබරවාරි මස 12 වැනි දිනයි.

පෙබරවාරි මස 22 වැනි දා, බුත්තල, පැල්වත්ත, ආනපල්ලම වැල්ලවාය ප්‍රදේශ ආශ්‍රිතව තවත් භූ කම්පන කිහිපයක් වාර්තා වුණි.

ඒවා සටහන් වුණේ, මැග්නිටියුඩ් 3 ක් සහ 3.5 ක් ලෙසයි.

මාර්තු 18 වැනි දා කිරින්ද පලටුපාන හා හාජියාර් ප්‍රදේශ ආශ්‍රිතව මැග්නිටියුට් 2.6 ක භූ කම්පනයක් වාර්තා විය.

ත්‍රිකුණාමලය, ගෝමරන්කඩවල, තිඹිරිවැව ප්‍රදේශය මැග්නිටියුඩ් ඒකක තුනක භූ කම්පනයක් වාර්තා වුණේ, මාර්තු 19 වැනි දායි.

දකුණු ඉන්දීය සාගරයේ ඇතිවූ භූ කම්පනයක බලපෑම කොළඹ ඇතුළු ප්‍රදේශ කිහිපයකට දැනී තිබුණේ පසුගිය ජුලි මස 01 වැනි දාය.

• තද වැසි පිළිබඳ අවවාදාත්මක නිවේදනයක්
• ජල ගාස්තු සඳහා මිල සූත්‍රයක්? පුණ්‍ය ආයතන, රෝහල් සහ පාසල් සඳහා සහන දෙන්න යෝජනා
• ඊශ්‍රායල – හමාස් මානුෂීය සටන් විරාමය තවත් දින 2 කින් දීර්ඝ කෙරේ
• ජනපති හා සෞදි ආර්ථික – සැලසුම් ඇමති අතර හමුවක්
• දංඕවිට රබර් කර්මාන්ත ශාලාවේ ගින්න තවදුරටත්
• කැබිනට් සංශෝධනයක්…
• BREAKING : රොෂාන් රණසිංහ වහාම ක්‍රියාත්මක වන පරිදි අමාත්‍ය ධුරවලින් ඉවතට
• පොලිස් සේවයේ පුරප්පාඩු 20,000ක්
• ජීවිතයට යම් හානියක් වුණොත් ජනපති හා සාගල ඇතුළු පිරිස වගකියන්න වෙයි – රොෂාන් රණසිංහ
• අද සිට යළි වැසි වැඩි වෙයි.. – කාලගුණ විද්‍යා දෙපාර්තමේන්තුව