වැසි වැස්සත්,ජලාශ සඳහා ප්‍රමාණවත් ජලය නෑ - ජාතික ජල සම්පාදන හා ජලාපවාහන මණ්ඩලය

COLOMBO (News 1st) - දිවයිනේ ප්‍රදේශ රැසකට වර්ෂාව ඇදහැලුනද, ජාතික ජල සම්පාදන හා ජලාපවාහන මණ්ඩලය යටතේ ක්‍රියාත්මක ජල සම්පාදන ක්‍රම සඳහා යොදාගන්නා ජල මූලාශ්‍ර කිහිපයකින් මෙතෙක් ප්‍රමාණවත් පරිදි ජලය නොලැබෙන බව, වාර්තා වේ. 

ජාතික ජල සම්පාදන හා ජලාපවාහන මණ්ඩලයේ නියෝජ්‍ය සාමාන්‍යාධිකාරී අනෝජා කළුආරච්චි මහත්මිය සඳහන් කළේ,ඇතැම් ප්‍රදේශවලට තවදුරටත් වියළි කාළගුණික තත්ත්වයක් පැවතීම, ඊට හේතුව බවයි.

ඒ අනුව අම්පාර, මොණරාගල, බිබිල, සීලතැන්න ජල සම්පාදන ක්‍රම මගින් ජලය නිකුත් කරනු ලබන්නේ මුර ක්‍රමය යටතේ බව, ඇය සඳහන් කළා ය.