පවතින අක්ෂි කාච ප්‍රමාණවත් සතියකට පමණයි - සෞඛ්‍ය අමාත්‍යාංශය

COLOMBO (News 1st) –  ගැටලුවට තුඩු දී ඇති අක්ෂි කාච මිලදී ගැනීමේ ගනුදෙනුව යළිත් ක්‍රියාත්මක කිරීමට සෞඛ්‍ය අමාත්‍යාංශය උත්සාහ කරන බවට වෘත්තිය සමිති චෝදනා කරයි. 

සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා සඳහන් කළේ, මේ පිළිබඳ කඩිනමින් සෞඛ්‍ය අමාත්‍යවරයා අවදානය යොමු කළ යුතු බවයි.

මේ අතර, වෛද්‍ය සැපයුම් අංශයේ ගබඩාවල පවතින අක්ෂි කාච සංඛ්‍යාව ප්‍රමාණවත් වන්නේ තවත් සතියකට පමණක් බව සෞඛ්‍ය අමාත්‍යාංශය පවසයි. 

එහි අතිරේක ලේකම් වෛද්‍ය සමන් රත්නායක මහතා සඳහන් කළේ, අක්ෂි කාච මිලදී ගැනීමේ ටෙන්ඩරය ලබා දීම ඒ සඳහා පත් කළ කැබිනට් අනුකමිටුවේ අධ්‍යයනයෙන් පසු ලබා දෙනු ඇති බවයි.