COLOMBO (News 1st) – 2023 – අධ්‍යන පොදු සහතික පත්‍ර උසස් පෙළ විභාගය පැවැත්වීමේ සංශෝධිත දිනය විභාග කොමසාරිස්වරයා විසින් ලබන සතියේ නිශ්චිතවම ප්‍රකාශයට පත්කරනු ඇතැයි, අධ්‍යාපන අමාත්‍ය සුසිල් ප්‍රේමජයන්ත මහතා පවසයි. 

අමාත්‍යවරයා අද පාර්ලිමේන්තුවේදී  විශේෂ ප්‍රකාශයක් සිදු කරමින් මේ බව පැවසී ය. 

මීට පෙර 2023 නොවැම්බර් 27 වනදා 2023 උසස්පෙළ විභාගය ආරම්භ  කිරීමට සැලම් කර තිබුණ ද  2022 විභාගයේ ප්‍රතිඵල නිකුත් කිරීම මාස 3ක් පමණ  ප්‍රමාදවීම හේතුවෙන් උද්ගතව ඇති තත්ත්ව පිළිබඳව අමාත්‍යවරයා එහිදී දීර්ඝ ලෙස කරුණු පැහැදිලි කළේ ය.   

අමාත්‍යවරයා අද පාර්ලිමේන්තුවේදී පැවසුවේ, ප්‍රතිඵල නිකුත් වීමෙන් පසු විභාගයට පෙනී සිටීම සඳහා අපේක්ෂකයින් දහඅටදහස් හාරසීය හැත්තෑ තුනක් අයදුම්පත් ලැබී ඇති බවයි. 

විභාග අපේක්ෂකයින්ගෙන් මෙන්ම මහජන නියෝජිතයින්ගෙන් ද යෝජිත විභාගය කල් දමන ලෙස ඉල්ලීම්  ලද බව අමාත්‍යවරයා සඳහන් කළේ ය. 

අමාත්‍යවරයා පැවසුවේ, ඒ අනුව ප්‍රතිඵල නිකුත් කිරීමෙන් පසු අයදුම් කළ අපේක්ෂක සංඛ්‍යාව පෙර වර්ෂවලට වඩා ලැබී තිබීම සලකා බැලීමෙන් විභාගයට සූදානම් වීමේ කාලය ප්‍රමාණවත් නොවීමෙන් වියහැකි අසාධාරණය සැලකිල්ලට ගෙන පාසල් වාර සටහනට අගතියක් නොවන ලෙස යෝජිත අපොස උසස් පෙළ 2023 පැවැත්වෙන දින නවකවානු සංශෝධනය කිරීම සඳහා විභාග දෙපාර්තමේන්තුවේ අවධානයට යොමු කර ඇති බවයි.  

• ජල ගාස්තු සඳහා මිල සූත්‍රයක්? පුණ්‍ය ආයතන, රෝහල් සහ පාසල් සඳහා සහන දෙන්න යෝජනා
• ඊශ්‍රායල – හමාස් මානුෂීය සටන් විරාමය තවත් දින 2 කින් දීර්ඝ කෙරේ
• ජනපති හා සෞදි ආර්ථික – සැලසුම් ඇමති අතර හමුවක්
• දංඕවිට රබර් කර්මාන්ත ශාලාවේ ගින්න තවදුරටත්
• කැබිනට් සංශෝධනයක්…
• BREAKING : රොෂාන් රණසිංහ වහාම ක්‍රියාත්මක වන පරිදි අමාත්‍ය ධුරවලින් ඉවතට
• පොලිස් සේවයේ පුරප්පාඩු 20,000ක්
• ජීවිතයට යම් හානියක් වුණොත් ජනපති හා සාගල ඇතුළු පිරිස වගකියන්න වෙයි – රොෂාන් රණසිංහ
• අද සිට යළි වැසි වැඩි වෙයි.. – කාලගුණ විද්‍යා දෙපාර්තමේන්තුව
• මාස 10 ක් තුළ ලාඳුරු රෝගීන් 1250 ක්.. කුඩා ළමුන් වැඩි පිරිසක් ඒ අතර..