ශ්‍රී ලංකා පාපන්දු සම්මේලනයට ජාත්‍යන්තර පාපන්දු සම්මේලනයෙන් පනවා තිබූ තහනම ඉවතට..

COLOMBO (News 1st) - ජාත්‍යන්තර පාපන්දු සම්මේලනය ශ්‍රී ලංකා පාපන්දු සම්මේලනයට පනවා තිබූ තහනම ඉවත් කර තිබේ.

ජාත්‍යන්තර පාපන්දු සම්මේලනය නිකුත් කළ නිවේදනයේ දැක්වෙන්නේ, ශ්‍රී ලංකා පාපන්දු සම්මේලනයේ පරිපාලනයට අදාළව 2023 ජූලි 24 වැනි දින අතිවිශේෂ ගැසට් පත්‍රයක් මගින් ප්‍රකාශයට පත් කළ කරුණු පිළිබඳව ද මෙහිදී සැලකිල්ලට ගත් බවයි.

සැප්තැම්බර් මස 29 වැනි දා ශ්‍රී ලංකා පාපන්දු නිලවරණය පවත්වන තෙක් තවදුරටත් අවධානයෙන් සිටින බව ද ජාත්‍යන්තර පාපන්දු සම්මේලනය සඳහන් කර ඇත.

තහනම ඉවත් කිරීමත් සමග ශ්‍රී ලංකා පාපන්දු කණ්ඩායමට ඉදිරියේදී ජාත්‍යන්තරවලට සහභාගී වීමට ඉඩ සැලසේ.