කටුනායක ගුවන්තොටුපොළ – කොටුව පෞද්ගලික බස් සේවක වර්ජනය අදත්..

COLOMBO (News 1st) –  කොටුව - කටුනායක අධිවේගී මාර්ගයේ ධාවනයේ නිරත පෞද්ගලික බස් රථ සේවකයින් ආරම්භ කළ වර්ජනය අදත් ක්‍රියාත්මක වෙයි. 

ගුවන් තොටුපොළ - කොටුව බස් රථ සේවක සංගමයේ සභාපති ඉන්දික ගුණසේකර මහතා සඳහන් කළේ, බස් රථ ධාවන මාර්ගයක් සංශෝධනය කිරීමට එරෙහිව වර්ජනය ක්‍රියාත්මක බවයි.

අද පැවැත්වෙන සාකච්ඡාවේදී ඊට විසඳුම් නොලැබුණහොත් ,  තවත් මාර්ග රැසක සේවකයින් ද වර්ජනයට සහය දක්වන බව, ලංකා පෞද්ගලික බස් හිමියන්ගේ සංගමයේ ගම්පහ දිස්ත්‍රික් සභාපති ලැම්බට් මධුරගේ මහතා පැවසුවේ ය.