කොළඹ - නුවර පාරේදී පෞද්ගලික බස් රථ 2ක් ගැටීමෙන් 13කට තුවාලයි..

COLOMBO (News 1st) –  කොළඹ - නුවර මාර්ගයේ කඹුරාදෙණිය ප්‍රදේශයේදී පෞද්ගලික බස් රථ දෙකක් ගැටීමෙන් සිදුවූ අනතුරකින් පුද්ගලයින් 13 දෙනෙකු තුවාල ලබා තිබේ. 

ඊයේ රාත්‍රියේ අනතුර සිදුවුණේ වව්නියාවේ සිට කොළඹ දෙසට ධාවනය වූ බස් රථයක්, එම දිශාවෙන්ම ගමන් කළ බස් රථයක පිටුපස ගැටීමෙන් ය.

එහිදී තුවාල ලැබූ පුද්ගලයින් ඇතුළත් කෙරුණේ, වරකාපොළ රෝහලටයි.

ඒ අතරින් බරපතල තත්ත්වයේ පසුවූ 4 දෙනෙකු කොළඹ ජාතික රෝහලට සහ කෑගල්ල මහ රෝහලට මාරුකර යවා තිබේ. 

තුවාලකරුවන් අතරට කාන්තාවන් තිදෙනෙකු ඇතුළත් ය.

සිද්ධිය සම්බන්ධයෙන් වැඩිදුර විමර්ශන සිදුකරන්නේ, දංඕවිට පොලීසියයි.