මුහුදු ජලය පිරිසිදු කර භාවිතයට ගැනීමේ ව්‍යාපෘතියක් ගැන සැලැස්මක්

COLOMBO (News 1st) - මුහුදු ජලය පිරිසිදු කර භාවිතයට ගැනීමේ ව්‍යාපෘතියක් යාපනය ප්‍රදේශය ආශ්‍රිතව ආරම්භ කිරීමට ජාතික ජල සම්පාදන හා ජලපවහන මණ්ඩලය සැලසුම් කර තිබේ.

එම මණ්ඩලය පැවසුවේ, ඒ මගින් පවුල් 60,000ක පුද්ගලයින් ලක්ෂ 3කට පමණ ජලය ලබාදීමට හැකිවනු ඇති බවයි.

එම ව්‍යාපෘතියේ ඉදිකිරීම් ලබන වසර මුලදී අවසන් කිරීමට හැකිවනු ඇති බව ජාතික ජල සම්පාදන හා ජලපවහන මණ්ඩලය සඳහන් කළේ ය.

එම මණ්ඩලය පැවසුවේ, අදාළ ව්‍යාපෘතියේ ජල නළ එලීමේ කටයුතුවලට අදාළව ටෙන්ඩර් කැඳවීම සඳහා කැබිනට් පත්‍රිකාවක් ඉදිරිපත් කර ඇති බවයි.