නිවසකින් කාන්තා මළ සිරුරක් සොයා ගැනේ..

COLOMBO (News 1st) - බඩල්ගම, කෙහෙල්ඇල්ල ප්‍රදේශයේ නිවසක තිබී කාන්තා මළ සිරුරක් සොයාගෙන ඇත.

මිය ගොස් ඇත්තේ 59 හැවිදිරි කාන්තාවකි.

පොලීසිය සඳහන් කළේ එම කාන්තාව නිවසේ තනිව සිට ඇති බවයි.

ඇගේ දෑත් බැඳ දමා ඇතැයි ද පොලීසිය සඳහන් කළේය.

බඩල්ගම පොලීසියට අද උදෑසන ලැබුණු තොරතුරුකට අනුව මළ සිරුර සොයාගෙන ඇත.

මෙය ඝාතනයක් ද යන්න තහවුරු කර ගැනීමට පුළුල් විමර්ශන ක්‍රියාත්මකයි.