සියලු මත්පැන් බෝතල්වල ආරක්ෂිත ස්ටිකරයක් ඇලවීම අනිවාර්යය කෙරේ - පාර්ලිමේන්තු කාරක සභාවෙන් සුරාබදු දෙපාර්තමේන්තුවට නියෝග

COLOMBO (News 1st) - සැප්තැම්බර් 15 වැනිදාට වන විට සියලු මත්පැන් බෝතල්වල ආරක්ෂිත ස්ටිකරයක් ඇලවීම අනිවාර්ය කරන්නැයි, සුරාබදු දෙපාර්තමේන්තුවට නියෝග කර තිබේ.

ඒ, ක්‍රම සහ විධි පිළිබඳ පාර්ලිමේන්තු කාරක සභාව විසිනි.

ඒ අනුව ලබන 15 වැනිදා වන විට සියලු නිෂ්පාදනවල ආරක්ෂිත ස්ටිකරය ඇළවීම අනිවාර්ය කරන්නැයි, දේශීය නිෂ්පාදන සමාගම්වලට දැනුම්දීමක් කර තිබේ.

ව්‍යාජ මත්පැන් බෝතල් වෙළෙඳ පොළට පැමිණීම වැළැක්වීම, එම වැඩපිළිවෙළේ  අරමුණයි.

දේශීයව නිෂ්පාදිත මත්පැන් බෝතල් රැසක මේ වන විට ආරක්ෂිත ස්ටිකර අළවා නොමැත.