ගොවීන් වී ලබා දීමේ අඩුවක් - වී අලෙවි මණ්ඩලය

COLOMBO (News 1st) –  ගොවීන් වී ලබා දීමේ අඩුවක් පවතින බව වී අලෙවි මණ්ඩලය පවසයි. 

එහි සභාපති බුද්ධික ඉද්දමල්ගොඩ මහතා සඳහන් කළේ , පෞද්ගලික අංශයෙන් වැඩි මිලකට වී මිලදී ගනී යැයි බලාපොරොත්තුවෙන් ගොවීන් වී ලබා නොදෙන බවයි.

ඒ අනුව මේ වනවිට මිලදී ගෙන ඇත්තේ රුපියල් මිලියන 350ක වී අස්වැන්නක් පමණක් බව ඔහු සඳහන් කළේ ය.

දිස්ත්‍රික් 11ක ගබඩා 30 ක් හරහා වී මිලදී ගැනීම සිදුවෙයි.

ඒ සඳහා වී අලෙවි මණ්ඩලයට ලැබී ඇති මුදල රුපියල් මිලියන 500 කි.

තවත් රුපියල් මිලියන 750ක් ලැබීමට නියමිතව ඇතැයි බුද්ධික ඉද්දමල්ගොඩ මහතා සඳහන් කළේ ය.