ප්‍රංශ ජනාධිපතිවරයෙකුගේ පළමු ශ්‍රී ලංකා සංචාරය සනිටුහන් කරමින් එමානුවෙල් මැක්‍රොන් දිවයිනට..

COLOMBO (News 1st) –  ප්‍රංශ ජනාධිපති එමැනුවෙල් මැක්ක්‍රෝන් මහතා සංචාරයක් සඳහා ශ්‍රී ලංකාවට පැමිණ තිබේ. 

ඒ, සිය පැපුවා නිව්ගිනි සංචාරය අවසන් කරමින් ය.

ඊයේ රාත්‍රී 11.35 ට පමණ ප්‍රංශ රජයට අයත් ගුවන් යානා 3කින් ජනාධිපතිවරයා ඇතුළු දූත මණ්ඩල පිරිස කටුනායක බණ්ඩාරනායක ගුවන් තොටුපොළට පැමිණ තිබේ. 

මෙම පිරිස පිළිගැනීමට සහ ඔවුන් සමග සාකච්ඡා කිරීමට ජනාධිපති රනිල් වික්‍රමසිංහ මහතා ඇතුළු මැති ඇමතිවරුන් විශාල පිරිසක් කටුනායක ගුවන් තොටුපොළ වෙත පැමිණ ඇති බව සඳහන් ය.

අප ගුවන් තොටුපොළ වාර්තාකරු සඳහන් කළේ, ප්‍රංශ ජනාධිපතිවරයා ඇතුළු පිරිස පැය 03 කට ආසන්න කාලයක් ගුවන් තොටුපොළ පරිශ්‍රයේ රැදී සිට පසුව අලුයම 01.44 ට නවැත ප්‍රංශයේ පැරිස් නුවර බලා පිටත්ව ගිය බවයි.