වරායේ කන්ටේනර් රථ රියැදුරන්ගේ වැඩවර්ජනය තාවකාලිකව නවතී

COLOMBO (News 1st) - බහාලුම් නිෂ්කාශනයේ පවතින ගැටලු කිහිපයක් මුල් කර ගනිමින් වරායේ කන්ටේනර් රථ රියැදුරන් හා සේවකයින් පිරිසක් ආරම්භ කළ වැඩවර්ජනය ඊයේ (17) රාත්‍රියේ තාවකාලිකව නවතා දැමුණි.

බහාලුම් ප්‍රවාහන හිමිකරුවන්ගේ සංගමය පැවසුවේ, අද (18) උදෑසන රේගු දෙපාර්තමේන්තුවේ අධ්‍යක්ෂ ජනරාල්වරයා සමග සාකච්ඡාව පැවැත්වීමට නියමිත අතර ඉදිරි ක්‍රියාමාර්ග ඉන් පසු තීරණය කරන බවයි.

අද උදෑසන රේගු දෙපාර්තමේන්තුවේ අධ්‍යක්ෂ ජනරාල්වරයා, තවත් නිලධාරීන් කිහිපදෙනෙකු සමග මෙම සාකච්ඡාව පැවැත්වෙන බව බහාලුම් ප්‍රවාහන හිමිකරුවන්ගේ සංගමය පැවසීය.

එම සංගමය මෙම වැඩවර්ජනය ආරම්භ කළේ, බහාලුම් නිෂ්කාශනයේ පවතින ගැටලු කිහිපයක් මුල් කර ගනිමිනි.

දින ගණනාවක් තිස්සේ කොළඹ වරායේ බහාලුම් ප්‍රවාහන සම්බන්ධයෙන් ගැටලු පැවතුණි.