අගමැති සහ සීෂෙල්ස් මහ කොමසාරිස් අතර හමුවක්..

COLOMBO (News 1st) - හෙද සහ සෞඛ්‍ය ඇතුළු ක්ෂේත්‍රවල ශ්‍රී ලාංකිකයින්ට රැකියා අවස්ථා වැඩි කිරීම පිළිබඳව සලකා බලන්නැයි, අග්‍රාමාත්‍ය දිනේෂ් ගුණවර්ධන මහතා, සීෂෙල්ස් මහ කොමසාරිස් ලලතියානා ඇකුචේ මහත්මියගෙන් ඉල්ලීමක් කළේ ය.

ඒ , අරලියගහ මන්දිරයේදී, ඇයව  හමුවූ  අවස්ථාවේදියි. 

ඉංජිනේරුවන් සහ ගුරුවරුන් වැනි ශ්‍රී ලාංකික වෘත්තිකයන් සැලකිය යුතු පිරිසක් සීෂෙල්ස්හි සේවය කරන බව, සීෂෙල්ස් මහ කොමසාරිස්වරිය කියා සිටියා ය.

ඇය සඳහන් කළේ , ඔවුන්ගේ සේවය බෙහෙවින් අගය කරන බවයි.

එයාර් සීෂෙල්ස් සෘජු ගුවන් ගමන් කොළඹට හඳුන්වාදීම තුළින්, සංචාරක පැමිණීමේ සීඝ්‍ර වර්ධනයක් ඇති කරන බව, අග්‍රාමාත්‍යවරයා එහිදී  පෙන්වා දුන්නේ ය.