සැප්තැම්බර් වනවිට බංකොලොත්භාවයෙන් මිදිය හැකියි - ජනපති

COLOMBO (News 1st) - ශ්‍රී ලංකාවට වත්මන් ආර්ථික අර්බුදයෙන් ගොඩ ඒමට මෙන්ම, වඩාත් තරගකාරී ආර්ථිකයක් නිර්මාණය කිරීමට ණය ප්‍රශස්තකරණ වැඩපිළිවෙළ ඉතා වැදගත් බව ජනාධිපති රනිල් වික්‍රමසිංහ මහතා පවසයි.

ජනාධිපතිතුමා ඉල්ලා සිටියේ, ඒ සඳහා සහය දැක්වීමට සියලු දෙනා සාමූහිකව එක්වන ලෙසයි.

ශ්‍රී ලංකා අධ්‍යක්ෂවරුන්ගේ ආයතනයේ මහා සභා රැස්වීමට ඊයේ (30) එක් වෙමින් ජනාධිපතිවරයා මේ අදහස් පළ කළේ ය.

සැප්තැම්බර් මාසය වනවිට ශ්‍රී ලංකාවට, බංකොලොත්භාවයෙන් මිදීමට හැකිවනු ඇතැයි ජනාධිපතිවරයා එහිදී වැඩිදුරටත් කියා සිටියේ ය.