හොන්ඩුරාස් රාජ්‍යයේ කාන්තා බන්ධනාගාරයක ගැටුමකින් 41ක් මරුට

COLOMBO (News 1st) - හොන්ඩුරාස් රාජ්‍යයේ කාන්තා බන්ධනාගාරයක ඇති වූ ගැටුමකින් පුද්ගලයින් 41දෙනෙකු මියගොස් තිබේ.

විදෙස් මාධ්‍ය වාර්තා කළේ, ප්‍රතිවාදී කල්ලි දෙකක් අතර ඇති වූ ගැටුමක් මීට හේතු වී ඇති බවයි.

ගැටුම් අතරතුරදී ගින්නක් ද හටගෙන ඇති අතර වෙඩි තැබීම් ද වාර්තා වී ඇත. 

මියගිය පිරිස අතර සිටින බන්ධානාගාර නිලධාරීන් සංඛ්‍යාව මෙතෙක් තහවුරු වී නොමැත.

මේ හේතුවෙන් එරට නියෝජ්‍ය ආරක්ෂක අමාත්‍යවරිය හදිසි තත්ත්වයක් ද ප්‍රකාශයට පත් කර තිබේ.

තුවාල ලැබූ පුද්ගලයින් රෝහල්ගත කර ඇති බව විදෙස් වාර්තාවල සඳහන් ය.