COLOMBO (News 1st) – වයස අවුරුදු 20න් පහළ ආසියානු මලල ක්‍රීඩා ශූරතාවලියේ, මීටර 800 කාන්තා ධාවන ඉසව්වේ රන් පදක්කම දිනාගැනීමට  ශ්‍රී ලංකාව නියෝජනය කළ  තරුෂි කරුණාරත්න අද (05) දිනාගත්තේ ය.

වයස අවුරුදු 20න් පහළ ආසියානු මලල ක්‍රීඩා ශූරතාවලියේ මෙවර දකුණු කොරියාවේදී පැවැත් වේ.

අද පැවැති එහි මීටර 800 කාන්තා ඉසව්වේ අවසන් තරගයේදී  තරුෂි කරුණාරත්න රන් පදක්කම දිනා ගත්තේ, මිනිත්තු 2යි තත්පර 5යි දශම 6යි 4ක කාලයක් සටහන් කරමින්.

එම තරගයේදී ප්‍රතිවාදී ක්‍රීඩිකාවන්ගෙන් තරුෂිට සැළකිය යුතු  අභියෝගයක් එල්ල කිරීමට නොහැකිවීම ය.

තරුෂිට වඩා තත්පර 5ක කාලයක් පසුපසින් සිටි කසක්ස්ථානයේ නිර්මාමෙතක් බයියන් එම ඉසව්වේ දෙවැනි ස්ථානයට පත් විය.

තුන් වැන්නා චීනයේ ඉන් යිංයිං. 

තරුෂි ඊයේ (04) දිනයේදී මෙම ශූරතාවලියේ මීටර 400 ධාවන ඉසව්වේ රිදී පදක්කම දිනා ගත්තේ ය.

මේ  අතර ශූරතාවලියේ මීටර 400 මිශ්‍ර සහය ධාවන ඉසව්වේ රන් පදක්කම දිනා ගැනීමට ශ්‍රී ලංකා කණ්ඩායම සමත් විය.
ඒ තරගය  මිනිත්තු 3යි තත්ත්පර 25යි දශම 4යි 1ක කාලයකින් තරගය අවසන් කරමින්.

ශෙහාන් දිල්රංග, තරුෂි කරුණාරත්න, විනෝද් ආරියවංශ, සහ ජයේෂි උත්තරා මෙම ඉසව්වේදී ශ්‍රී ලංකා කණ්ඩායම නියෝජනය කළ හ.

ශූරතාවලියේ තුන් පිම්ම පිරිමි ඉසව්වේ ලෝකඩ පදක්කම ශ්‍රී ලංකාවේ මලිත් යසිරුට හිමි විය.

ඔහු දැක්වූ දක්ෂතාව මීටර 15යි දශම 8යි 2ක්.

• සෞඛ්‍ය ගැටලුවලට විසඳුම් ඉල්ලා අද ජාතික විරෝධතා දිනයක්..
• පවතින අක්ෂි කාච ප්‍රමාණවත් සතියකට පමණයි – සෞඛ්‍ය අමාත්‍යාංශය
• ප්‍රදේශ කිහිපයකට තද වැසි – කාලගුණ විද්‍යා දෙපාර්තමේන්තුව
• ජනපති හා අමෙරිකා ජනපති ජෝ බයිඩ්න් අතර හමුවක්..
• පළාත් පාලන මැතිවරණයේ නාමයෝජනා අවංලගු කිරීමට විෂය භාර අමාත්‍යාංශ උපදේශක සභාවේ අනුමැතිය..
• කොළඹ ප්‍රදේශ කිහිපයකට පැය 12ක ජල කප්පාදුවක්
• JUST IN : ඉන්දියාව කැනේඩියානු පුරවැසියන්ට වීසා නිකුත් කිරීම අත්හිටුවයි
• හිටපු මන්ත්‍රී මුතුහෙට්ටිගම යළි රක්ෂිත බන්ධනාගාරයට
• 2023 උසස් පෙළ විභාගය කල් යන ලකුණු : නිශ්චිත දිනය ලබන සතියේ… ඇමති පාර්ලිමේන්තුවේදී කියයි
• ඉන්දියාවෙන් දුම්රිය එන්ජින් 10ක් මිලට ගැනීමට පියවර