COLOMBO (News 1st) – පොසොන් පුර පසළොස්වක පොහොය වෙනුවෙන් බන්ධනාගාරගත සිරකරුවන් පිරිසකට ජනාධිපති සමාව පිරිනමා තිබේ.  

ඒ, ආණ්ඩුක්‍රම ව්‍යවස්ථාවේ 34 වන වගන්තිය ප්‍රකාරවයි. 

ඒ අනුව පොසොන් පොහොය දින වනවිට බන්ධනාගාරගතව වසරක් හෝ ඉන් කොටසක් ගතවන සිරකරුවන්ට දින 14ක සමාවක් හිමි වනු ඇති. 

දඩ මුදල් නොගෙවීම මත සිරදඬුවම් විඳිමින් සිටින සිරකරුවන්ගේ ගෙවමින් පවතින දඬුවමේ ශේෂය අහෝසි කිරීම ද මේ යටතේ සිදු වෙයි.  

දඩ දඬුවම් ද ඇතුළත්ව වසර 40 ක් හෝ ඊට වැඩි සිර දඬුවම් නියම කර ඉන් වසර 20ක් ගෙවා ඇති  සිරකරුවන්ගේ දඬුවමේ ඉදිරි ශේෂය අහෝසි කිරිමට ද නියමිතයි. 

අවුරුදු 18 හෝ ඊට අඩු වයසකදී ජීවිතාන්ත සිර දඬුවම නියමකර ඇති සිරකරුවන්ගේ සිර දඬුවම වසර 15කට අඩුකර මහාධිකරණයෙන් දඬුවම් නියම කළ දින සිට ක්‍රියාත්මක කිරීම ද මේ යටතේ සිදු වෙයි. 

මත්ද්‍රව්‍ය චෝදනා සම්බන්ධයෙන් වරදකරුවන්වී පුනරුත්ථාපන කාලයෙන් හරි අඩක් හෝ ඊට වැඩි කාලයක් ගෙවා ඇති රැඳවියන්ගේ පුනරුත්ථාපන කාලයේ ඉදිරි කාලය අහෝසි කිරීම සිරකරුවන්ට ලැබෙන තවත් සහනයකි. 

සෑම බන්ධනාගාරයකින්ම තෝරා ගත් සිරකරුවන් පිරිසකට එලෙස ජනාධිපති සමාව හිමිවනු ඇති.

• 2023 උසස් පෙළ විභාගය ලබන වසරේ ජනවාරියේ
• මීටර 800 කාන්තා ධාවන ඉසව්වේ රන් පදක්කම ශ්‍රී ලංකාවේ තරුෂි කරුණාරත්නට. – ආසියානු ක්‍රීඩා උළෙල
• අද (04) පස්වරුවේ ධාවනයට නියමිත සියලු කාර්යාල දුම්රිය අවලංගු කිරීමට සිදුවෙනවා – දුම්රිය දෙපාර්තමේන්තුව
• අර්බුදය උග්‍රවෙයි… රාජ්‍ය තාන්ත්‍රිකයින් 40ක් ඉවත් කර ගන්නයි, ඉන්දියාවෙන් කැනඩාවට දැනුම්දීමක්
• අද (04) මධ්‍යම රාත්‍රී සිට ගෑස් මිල ඉහළ නගී
• ලබන 11 වැනි දා මැදියම් රැයේ සිට ශිෂ්‍යත්වය අවසන් වනතෙක් උපකාරක පන්ති තහනම්
• ඉන්දීය සාගර කලාපීය සුනාමි ආපදා පෙරහුරු වැඩසටහනක් අද
• ජාත්‍යන්තර ගිවිසුමකට එළැඹෙනවා ද? රටේ නීතියට අනුව කටයුතු කරනවා ද? සමාජ මාධ්‍ය ඇතුළු මාධ්‍ය කථිකාවක් ඇති කර ගත යුතුයි – ජනපතිගෙන් ප්‍රකාශයක්
• නිරිත දිග ප්‍රදේශවල පවතින වැසි තත්ත්වයේ යම් වැඩි වීමක් – කාලගුණ විද්‍යා දෙපාර්තමේන්තුව
• ශ්‍රී ලංකාව ඇෆ්ගනිස්ථානයට එරෙහි පුහුණු තරගයත් පරදී..