COLOMBO (News 1st) – බැංකු පොලී අනුපාත තීරණය කරන සිය ප්‍රතිපත්ති පොලී අනුපාත පහළ හෙළීමට ශ්‍රී ලංකා මහ බැංකුව තීරණය කර තිබේ.

ඒ අනුව නිත්‍ය තැන්පතු පහසුකම් අනුපාතිකය සහ නිත්‍ය ණය පහසුකම් අනුපාතිකය පහළ දමා ඇත්තේ, පදනම් ඒකක 250 කින් හෙවත් 2.5%  කිනි.

ශ්‍රී ලංකා මහ බැංකුව ජුනි මාසය සඳහා සිය මූල්‍ය ප්‍රතිපත්ති ස්ථාවරය ප්‍රකාශයට පත් කරමින් අද (01) උදෑසන මේ බව නිවේදනය කළේ ය.

උද්ධමනය ශීඝ්‍ර ලෙස ඉහළ යෑම පාලනය කිරීමේ පියවරක් ලෙස ශ්‍රී ලංකා මහ බැංකුව සිය ප්‍රතිපත්ති පොලී අනුපාතික ඉහළ අගයක පවත්වා ගනු ලැබීය.

අද කළ සංශෝධනයන් අනුව, බැංකුවලට ණය සැපයීමේදී මහ බැංකුව අය කළ නිත්‍ය ණය පහසුකම් අනුපාතිකය 16.5% සිට 14% ක් දක්වා පහළ දැමුවේ ය.

මහ බැංකුව වාණිජ බැංකුවල ඉතුරුම් වෙනුවෙන් ගෙවන පොලී අනුපාතිකය වන නිත්‍ය තැන්පතු අනුපාතිකය පහළ දමා ඇත්තේ, 15.5% සිට 13% දක්වායි. 

මේ අනුව ඉදිරියේදී වෙළෙඳපොළ පොලී අනුපාතික ද ඊට සමගාමීව පහළ යනු ඇති. 

මහ බැංකුව මෙම තීරණය ගෙන ඇත්තේ, උද්ධමනය අපේක්ෂා කළ මට්ටමටත් වඩා පහළ යෑම සැලකිල්ලට ගනිමිනි.

• තරග නීති උල්ලංඝණය කිරීම හේතුවෙන්, මීටර 400 මිශ්‍ර සහය ධාවන ඉසව්වේ රිදී පදක්කම ශ්‍රී ලංකාවට අහිමි වෙයි..
• Google, Meta, Twitter ඇතුළු ලොව ප්‍රකට සමාගම් මෙරටට ගෙන ඒමට යෝජිත මාර්ගගත ක්‍රම සුරක්ෂිතතා පනත් කෙටුම්පත ගැන දැඩි අවධානය යොමු කරයි..
• ඖෂධ හදිසි මිලදී ගැනීම්,වහාම ක්‍රියාත්මක වන පරිදි අත්හිටුවනවා – ඇමති කෙහෙළිය
• ඉන්දුනීසියාවේ පළමු අධිවේගී දුම්රිය මාර්ගය ජනතා අයිතියට
• දුමින්ද , ස්ටාර්ලින් ඇතුළු පිරිසකට කොළඹ ස්ථාන කිහිපයකට ඇතුළු වීම වළක්වමින් අධිකරණ නියෝගයක්
• බ්‍රිතාන්‍ය රජ පවුලේ වෙබ් අඩවියට සයිබර් ප්‍රහාරයක්..
• මුලතිව් මහේස්ත්‍රාත්ගේ ඉල්ලා අස්වීම ගැන නීතිඥ සංගමය පරීක්ෂණයක් ඉල්ලයි
• වෙන්නප්පුවේ බැංකුවක රුපියල් කෝටි 7 ක රන් භාණ්ඩ සොරකමක්
• ශ්‍රී ලංකන් ගුවන් ගමන් ප්‍රමාදය ගැන අද විශේෂ සාකච්ඡාවක්..
• දෙවන වාරිකය ගන්න IMF සමග නව ගිවිසුමකට යෑමට සිදුවේවි – ආර්ථික අර්බුද සමනය කිරීමේ පාර්ලිමේන්තු කාරක සභාව