COLOMBO (News 1st) – පෙට්‍රල් මිල අඩු වුවත් ත්‍රීරෝද රථ ගාස්තුවේ කිසිදු අඩු වීමක් සිදු නොවන බව ත්‍රීරෝද රථ සංගම් පවසයි.

සමස්ත ලංකා ත්‍රීරෝද රථ රියැදුරන්ගේ වෘත්තීය සමිතියේ සභාපති ලලිත් ධර්මසේකර මහතා සඳහන් කළේ, ත්‍රීරෝද රථ සඳහා වහාම ගාස්තු සමාලෝචන කමිටුවක් පත් කළ යුතු බවයි.

මේ අතර ඩීසල් මිල ගණන් සංශෝධනයක් නොවීම හමුවේ බස් ගාස්තු අඩු නොවන බව සමස්ත ලංකා පෞද්ගලික බස් හිමියන්ගේ සංගමය පවසයි.

ඊයේ (31) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කෙරුණි.

ඒ අනුව ඔක්ටෙන් 92 පෙට්‍රල් ලීටරයක මිල අඩු කර ඇත්තේ රුපියල් 15 කින් ය. 

එහි නව මිල රුපියල් 318 කි.

ඔක්ටෙන් 95 පෙට්‍රල් ලීටරයක් රුපියල් 20 කින් ඉහළ දමා ඇත.

ඒ අනුව එහි නව මිල රුපියල් 385 ක් වනු ඇති. 

ලංකා සුපර් ඩීසල් ලීටරයක් රුපියල් 10 කින් ඉහළ දමා ඇති අතර එහි නව මිල රුපියල් 340 ක් ලෙස සටහන් වේ.

ලංකා භූමිතෙල් ලීටරයක් අඩු කර ඇත්තේ, රුපියල් 50 කිනි. 

එහි නව මිල රුපියල් 245 කි. 

ලංකා කාර්මික භූමිතෙල් ලීටරයක් රුපියල් 60 කින් අඩු කර තිබේ.

ඒ අනුව එහි නව මිල රුපියල් 270ක් බව විදුලිබල හා බලශක්ති රාජ්‍ය අමාත්‍ය ඩී. වී චානක මහතා සඳහන් කළේ ය.

• 2023 උසස් පෙළ විභාගය ලබන වසරේ ජනවාරියේ
• මීටර 800 කාන්තා ධාවන ඉසව්වේ රන් පදක්කම ශ්‍රී ලංකාවේ තරුෂි කරුණාරත්නට. – ආසියානු ක්‍රීඩා උළෙල
• අද (04) පස්වරුවේ ධාවනයට නියමිත සියලු කාර්යාල දුම්රිය අවලංගු කිරීමට සිදුවෙනවා – දුම්රිය දෙපාර්තමේන්තුව
• අර්බුදය උග්‍රවෙයි… රාජ්‍ය තාන්ත්‍රිකයින් 40ක් ඉවත් කර ගන්නයි, ඉන්දියාවෙන් කැනඩාවට දැනුම්දීමක්
• අද (04) මධ්‍යම රාත්‍රී සිට ගෑස් මිල ඉහළ නගී
• ලබන 11 වැනි දා මැදියම් රැයේ සිට ශිෂ්‍යත්වය අවසන් වනතෙක් උපකාරක පන්ති තහනම්
• ඉන්දීය සාගර කලාපීය සුනාමි ආපදා පෙරහුරු වැඩසටහනක් අද
• ජාත්‍යන්තර ගිවිසුමකට එළැඹෙනවා ද? රටේ නීතියට අනුව කටයුතු කරනවා ද? සමාජ මාධ්‍ය ඇතුළු මාධ්‍ය කථිකාවක් ඇති කර ගත යුතුයි – ජනපතිගෙන් ප්‍රකාශයක්
• නිරිත දිග ප්‍රදේශවල පවතින වැසි තත්ත්වයේ යම් වැඩි වීමක් – කාලගුණ විද්‍යා දෙපාර්තමේන්තුව
• ශ්‍රී ලංකාව ඇෆ්ගනිස්ථානයට එරෙහි පුහුණු තරගයත් පරදී..