News 1st – වයස අවුරුදු 20න් පහළ ලෝක කුසලාන පාපන්දු තරගාවලියේ ප්‍රංශය සමග පැවැති තරගය දකුණු කොරියාව ජය ගෙන තිබේ.

ආර්ජන්ටිනාවේ සත්කාරකත්වයෙන් පැවැත්වෙන මෙවර තරගාවලියේ මෙම තරගය ආරම්භ වුණේ, මෙන්ඩෝසා ක්‍රීඩාංගණයේදීයි.

එෆ් කාණ්ඩයේ තරගයක් වූ මෙහි දකුණු කොරියා කණ්ඩායම ගෝල රැස් කිරීම ආරම්භ කළේ ය.
 
තරගයේ 22 වැනි මිනිත්තුවේදී එලෙස පළමු ගෝලය රැස් කළේ, ලී සොන් වොන්.

පළමු අර්ධයේදී ප්‍රංශ ක්‍රීඩකයින්ට ගෝල රැස් කිරීමට හැකි නොවූ අතර ගෝල 1ට 0ක් ලෙස කොරියාව එම අර්ධයේ පෙරමුණ ගත්තේ ය.

දෙවැනි අර්ධය ආරම්භ වී මිනිත්තු 19ක් වන විට තරගයේ වාර්තා වූ දෙවැනි ගොලයට ද හිමිකම් කීවේ කොරියා කණ්ඩායමයි.

ලී යොංජුන් එම ගෝලය රැස් කළේ ය.

ප්‍රංශ ක්‍රීඩකයින් තරගය තුළ රැස් කළ එකම ගෝලය සටහන් වූයේ තරගයේ 70වැනි මිනිත්තුවේදීය.

දඩුවම් පහරක් සාර්ථක කර ගනිමින් එම ගෝලයට හිමිකම් කීවේ ඇලන් යූජිනියුස්.

කෙසේ වෙතත් තරගයේ නියමිත කාලය අවසන් වනවිට ගෝල සටහන් දැක්වුණේ, ගෝල 2ට 1ක් ලෙස කොරියාවට ජය හිමි කර දෙමිනි.

මෙම ජයත් සමග කොරියා කණ්ඩායම එෆ් කාණ්ඩයේ දෙවැනිස්ථානය දක්වා ඉහළට පැමිණියේ ය.

• ජනපති හා අමෙරිකා ජනපති ජෝ බයිඩ්න් අතර හමුවක්..
• පළාත් පාලන මැතිවරණයේ නාමයෝජනා අවංලගු කිරීමට විෂය භාර අමාත්‍යාංශ උපදේශක සභාවේ අනුමැතිය..
• කොළඹ ප්‍රදේශ කිහිපයකට පැය 12ක ජල කප්පාදුවක්
• JUST IN : ඉන්දියාව කැනේඩියානු පුරවැසියන්ට වීසා නිකුත් කිරීම අත්හිටුවයි
• හිටපු මන්ත්‍රී මුතුහෙට්ටිගම යළි රක්ෂිත බන්ධනාගාරයට
• 2023 උසස් පෙළ විභාගය කල් යන ලකුණු : නිශ්චිත දිනය ලබන සතියේ… ඇමති පාර්ලිමේන්තුවේදී කියයි
• ඉන්දියාවෙන් දුම්රිය එන්ජින් 10ක් මිලට ගැනීමට පියවර
• ශ්‍රී ලංකාවේ සංවර්ධනයට ඩොලර් මිලියන 19කට වැඩි අතිරේක මුදලක් වෙන් කරනවා – USAID ආයතනය
• ජනපති අද එක්සත් ජාතීන්ගේ මහ මණ්ඩලය අමතයි
• අවිස්සාවේල්ලේ වෙඩි තැබීමක්: පුද්ගලයින් දෙදෙනෙක් මරුට