අරණායක ජල නල ගින්න ගැන පොලීසියෙන් විමර්ශනයක්..

COLOMBO (News 1st) - අරණායක, උස්සාපිටිය පොදු ක්‍රීඩාංගණයේ ගබඩා කර තිබූ රබර් ජල නල 100කට අධික ප්‍රමාණයක් හදිස්සිගේ ගිනි ගැනීම ගැන අරණායක පොලීසිය විමර්ශන ආරම්භ කර තිබේ.

මෙලෙස ගිනිගෙන විනාශ වී තිබෙන්නේ, අරණායක ජනතාවට ජලය ලබාදීම සඳහා එළීමට ගෙනැවිත් ගබඩා කර තිබූ ජල නලයි.

ඊයේ(29) සවස හටගත් මෙම ගින්න මාවනැල්ල ගිනි නිවීම් ඒකකය හා ප්‍රදේශවාසීන්ගේ සහය ඇතිව මැඩපැවැත් වූ අතර ගින්නට හේතුව මෙතෙක් අනාවරණය වී නොමැත.

සිදුවූ අලාභය ද මෙතෙක් තක්සේරු කර නොමැති අතර අරණායක පොලීසිය හා කොට්ඨාස අපරාධ විමර්ශන ඒකකය විසින් වැඩිදුර විමර්ශන පවත්වනු ලැබේ.