ආසියානු රග්බි සංගමය මගින් ශ්‍රී ලංකා රග්බි ආයතනයට පැනවූ තහනම ඉවතට..

COLOMBO (News1st) - ආසියානු රග්බි සංගමය මගින් ශ්‍රී ලංකා රග්බි ආයතනයට පනවා තිබූ තහනම ඉවත් කර තිබේ.
ක්‍රීඩා අමාත්‍යාංශය නිකුත් කළ නිවේදනයක දැක්වෙන්නේ ආසියානු රග්බි සංගමයේ සභාපති ක්යිස් අල් ධලායි ( Qais al Dhalai) මහතා අදාල තහනම ඉවත් කළ බවට  ක්‍රීඩා අමාත්‍යවරයා වෙත ලිපියකින් දැනුම් දී ඇති බවය.

ක්‍රීඩා අමාත්‍යවරයා විසින් ආසියානු රග්බි සංගමයට යොමු කළ ලිපියට ප්‍රතිචාර දක්වමින් ආසියානු රග්බි සංගමය මේ බව දන්වා ඇතැයි අදාල නිවේදනයේ වැඩි දුරටත් සඳහන් වේ. 

ඒ අනුව ශ්‍රී ලංකා රග්බි කණ්ඩායම්වලට ඉදිරියේදී ජාත්‍යන්තර තරගවලට එක්වීමේ අවස්ථාව හිමි වනු ඇත. 

ක්‍රීඩා අමාත්‍යවරයා පසුගියදා ශ්‍රී ලංකා රග්බි ආයතනයට ස්ථාවරකරණ කමිටුවක්ද පත් කළේ ය.