පළාත් පාලන ආයතන සීමා නිර්ණ කමිටු වාර්තාව, ඉදිරි දින දෙක තුළ අගමැති අතට.. - මහින්ද දේශප්‍රිය

COLOMBO (News 1st) - පළාත් පාලන ආයතන සීමා නිර්ණ ජාතික කමිටුවේ අවසන් වාර්තාව ඉදිරි දින දෙක ඇතුළත අග්‍රාමාත්‍ය දිනේෂ් ගුණවර්ධන මහතා වෙත භාර දෙන බව, එහි සභාපති මහින්ද දේශප්‍රිය මහතා පවසයි.

සභාපතිවරයා සඳහන් කළේ, පළාත් පාලන විෂ‍ය භාර අමාත්‍යවරයා ලෙස අග්‍රාමාත්‍යවරයා වෙත අදාළ කමිටු වාර්තාව භාරදෙන බවයි.

වාර්තාව භාරදීමෙන් අනතුරුව ඒ සම්බන්ධයෙන් විශේෂ මාධ්‍ය හමුවක් පවත්වා, ජනතාව දැනුවත් කිරීමට සැලසුම් කර ඇතැයි, මහින්ද දේශප්‍රිය මහතා සඳහන් කළේ ය.

දැනට සිටින 8,000 කට අධික පළාත් පාලන ආයතන මහජන නියෝජිත සංඛ්‍යාව අඩකින් අඩු කිරීම කමිටුවේ, සැලසුමයි.