යල කන්නයේ පොහොර මිලදී ගන්න ගොවීන්ට මූල්‍යාධාරයක්

COLOMBO (News 1st) - යල කන්නයේ පොහොර මිලදී ගැනීම සඳහා සහනාධාර මුදලක් ලබාදීමට තීරණය කර තිබේ.

කෘෂිකර්ම අමාත්‍ය මහින්ද අමරවීර මහතා පැවසුවේ, ඊට අදාළ කැබිනට් අනුමැතිය හිමිව ඇති බවයි.

ඒ අනුව හෙක්ටයාර් එකක් සඳහා රුපියල් 20,000 ක කූපන් පතක් ගොවියෙකු වෙනුවෙන් නිකුත් කරනු ඇත.

සිංහල හා දෙමළ අලුත් අවුරුද්දෙන් පසු එම සහනාධාරය ලබා දෙන බව ද අමාත්‍යවරයා පැවසී ය.