COLOMBO (News 1st) – සෞන්දර්ය විශ්වවිද්‍යාලයේ කුලපති, මහාචාර්ය සංගීත් නිපුන් සනත් නන්දසිරි මහතා (81) අභාවප්‍රාප්ත වී තිබේ.

කලක් රෝගාතුරව සිටි සනත් නන්දසිරි මහතා අද පෙරවරුවේ අභාවප්‍රාප්ත වුණේ සිය නිවසේදීයි.

1942 වසරේ පෙබරවාරි 15 වැනිදා ගොතටුව නව නගරයේ උපත ලැබූ ඒ මහතා ගොතටුව මහා විද්‍යාලයෙන් , ශාන්ත මැතිව් විද්‍යාලයෙන් සහ මහාබෝධි විද්‍යාලයෙන් අධ්‍යාපනය හැදෑරී ය. 

1971 වසරේදී ශායන ශිල්පිනී මල්කාන්ති පීරිස් සමග යුග දිවියට පිවිසි සනත් නන්දසිරි මහතා දරුවන් දෙදෙනෙකුගේ ආදරණීය පියෙකි. 

සංගීත් නිපුන් සනත් නන්දසිරි මහතා සෞන්දර්ය කලා විශ්වවිද්‍යාලයේ තුන්වැනි කුලපතිවරයායි. 

ශ්‍රී ලාංකේය නිර්මාණාත්මක සංගීත ක්ෂේත්‍රයට ඔහු කළ විශිෂ්ට දායකත්වයට උපහාරයක් වශයෙන් ගෞරව මහාචාර්ය පදවියකින් ද ඔහු පිදුම් ලැබී ය. 

එදා මෙදා තුර , බොඳ මීදුම්, ඇතුළු  ගීත ඇල්බම රැසක් සම්මානිත මහාචාර්ය සනත් නන්දසිරි මහතා මෙරට ගී කලා ලොවට දායාද කළේ ය. 

ශ්‍රී ලංකා ගායික ගායිකා සංගමයේ සභාපති ජානක වික්‍රමසිංහ මහතා පැවසුවේ සනත් නන්දසිරි මහතාගේ දේහය පිළිබඳ අවසන් කටයුතු පසුව දැනුම් දෙන බවයි. 

• නතාෂා ලබන 07 වැනිදා දක්වා රිමාන්ඩ්..
• ලබන අඟහරුවාදා සිට ඉන්ධන කෝටාව ඉහළට – ඇමති කංචන විජේසේකර
• අ.ඩො. මිලියන 120ක වියදමකින් ඉදිකළ ඉන්දියාවේ නව පාර්ලිමේන්තු සංකීර්ණය අගමැති මෝදිගේ ප්‍රධානත්වයෙන් විවෘත කෙරේ
• සපුගස්කන්ද , මාබිම ප්‍රදේශයේ නව ගෑස් පර්යන්තයක්
• ප්‍රවීණ නිවේදිකා, මනෝ විද්‍යා උපදේශක රත්නා පුෂ්පකුමාරි අභාවප්‍රාප්ත වෙයි
• නතාශා එදිරිසූරිය අත්අඩංගුවට ගැනීමට හේතුව බෞද්ධ කටයුතු කොමසාරිස් ජනරාල් කළ පැමිණිල්ලක් – පොලීසිය
• IPL ශූරයින් කවුද? තීරණය අද රාත්‍රියේ..
• වයඹ පළාතේ සිට පිට පළාත්වලට ගවයින් ප්‍රවාහනය අත්හිටුවයි..
• රාජාංගනය ජලාශයේ වාරි ඇළට වැටී දරුවෙකු මිය යයි
• මෙල්බර්න් සිට කටුනායකට පැමිණි ගුවන් යානයක සිටි ලාංකිකයෙක් මරුට..