News 1st –  පාසල් ක්ෂේත්‍රයේ ගැටලු සාකච්ඡා මාර්ගයෙන් කඩිනමින් නිරාකරණය කර ගැනීමට හැකිවනු ඇතැයි තමා විශ්වාස කරන බවත්, එසේ නොවුණ හොත් පාසල් අත්‍යවශ්‍ය සේවාවක් බවට පත්කිරීම සඳහා පාර්ලිමේන්තුවට කෙටුම්පතක් ඉදිරිපත් කිරීමට සිදුවනු ඇති බව ජනාධිපති රනිල් වික්‍රමසිංහ මහතා පවසයි. 

ජනාධිපති මාධ්‍ය අංශය නිවේදනය කළේ,  කොළඹ සංඝමිත්තා බාලිකා විද්‍යාලයේ පැවති පිරිවෙන් හා පාසල් සිසු දරුවන්ට නොමිලේ පෙළ පොත් හා නිල ඇඳුම් රෙදි බෙදා දීමේ ජාතික උත්සවය අමතමින්  අද (23) පෙරවරුවේ ජනාධිපතිවරයා මෙම අදහස් පළ කළ බවයි. 

ජනාධිපතිවරයා එහිදී  අවධාරණය කර ඇත්තේ, පාසල් සිසු දරුවන් විවිධ කණ්ඩායම්වල ප්‍රාණ ඇපකරුවන් බවට පත් කර ගැනීමට කිසි සේත් ඉඩ නොතබන බවයි. 

අධ්‍යාපන අමාත්‍යාංශය සංවිධානය කළ මෙම උත්සවයේදී ජනාධිපතිවරයා ශිෂ්‍ය භික්ෂුන් වහන්සේ, සිල් මාතාවන් සහ සිසු දරුවන් 40 දෙනෙකු සඳහා සංකේතවත්ව පෙළ පොත් හා නිල ඇඳුම් රෙදි ප්‍රදානය කිරීම සිදු කර ඇත. 

ජනාධිපති මාධ්‍ය අංශය නිකුත් කළ නිවේදනයේ දැකවෙන්නේ, 2023 වසරට අදාළ පාසල් නිල ඇඳුම්වලින් 70%ක ප්‍රමාණයක් චීන රජයේ ප්‍රදානයක් ලෙස ලැබී ඇති බවත් මේ වනවිට ඒ සියල්ල බෙදා හැර ඇති බවත් ය. 

දේශීය ව්‍යාපාරිකයන් විසින් ඉතිරි නිල ඇඳුම් සපයනු ඇති. 

මේ අතර ඉන්දීය ණය ආධාර යටතේ අමුද්‍රව්‍ය ලබා ගනිමින් රජයේ මුද්‍රණ නීතිගත සංස්ථාව හා දේශීය සැපයුම්කරුවන් මගින් මුද්‍රණය කරන ලද පාසල් පෙළ පොත් දීප ව්‍යාප්තව බෙදා හැරීමේ කටයුතු මීට පෙර ආරම්භ කර තිබූ අතර එය නිල වශයෙන් බෙදා දීම ද මෙහිදී සිදුකර තිබේ. 

ජනාධිපති මාධ්‍ය අංශය පැවසුවේ, අධ්‍යාපන අමාත්‍ය ආචාර්ය සුසිල් ප්‍රේම්ජයන්ත්, පිරිවෙන් අධ්‍යාපන රාජ්‍ය අමාත්‍ය විජිත බේරුගොඩ, අධ්‍යාපන රාජ්‍ය අමාත්‍ය අරවින්ද් කුමාර්, උසස් අධ්‍යාපන රාජ්‍ය අමාත්‍ය සුරේන් රාඝවන්, බස්නාහිර පළාත් ආණ්ඩුකාර මාර්ෂල් ඔෆ් ද එයාර් ෆෝස් රොෂාන් ගුණතිලක, පාර්ලිමේන්තු මන්ත්‍රී යදාමනී ගුණවර්ධන, බස්නාහිර පළාත් ලේකම් ප්‍රදීප් යසරත්න, අධ්‍යාපන අමාත්‍යාංශයේ වැඩබලන ලේකම් හේමන්ත ප්‍රේමතිලක, අධ්‍යාපන ප්‍රකාශන කොමසාරිස් Z. තාජුඩීන් යන මහත්වරුන් සහ අධ්‍යාපන හා රේඛීය අමාත්‍යාංශවල නිලධාරීහු ද, දිවයිනේ පාසල් රැසක විදුහල්පතිවරුන් සහ ගුරුවරුන් ද මෙම අවස්ථාවට සහභාගි වූ බවයි. 

• නතාෂා ලබන 07 වැනිදා දක්වා රිමාන්ඩ්..
• ලබන අඟහරුවාදා සිට ඉන්ධන කෝටාව ඉහළට – ඇමති කංචන විජේසේකර
• අ.ඩො. මිලියන 120ක වියදමකින් ඉදිකළ ඉන්දියාවේ නව පාර්ලිමේන්තු සංකීර්ණය අගමැති මෝදිගේ ප්‍රධානත්වයෙන් විවෘත කෙරේ
• සපුගස්කන්ද , මාබිම ප්‍රදේශයේ නව ගෑස් පර්යන්තයක්
• ප්‍රවීණ නිවේදිකා, මනෝ විද්‍යා උපදේශක රත්නා පුෂ්පකුමාරි අභාවප්‍රාප්ත වෙයි
• නතාශා එදිරිසූරිය අත්අඩංගුවට ගැනීමට හේතුව බෞද්ධ කටයුතු කොමසාරිස් ජනරාල් කළ පැමිණිල්ලක් – පොලීසිය
• IPL ශූරයින් කවුද? තීරණය අද රාත්‍රියේ..
• වයඹ පළාතේ සිට පිට පළාත්වලට ගවයින් ප්‍රවාහනය අත්හිටුවයි..
• රාජාංගනය ජලාශයේ වාරි ඇළට වැටී දරුවෙකු මිය යයි
• මෙල්බර්න් සිට කටුනායකට පැමිණි ගුවන් යානයක සිටි ලාංකිකයෙක් මරුට..