COLOMBO (News 1st) –  ජාත්‍යන්තර මූල්‍ය අරමුදල විස්තීරණ ණය පහසුකම අනුමත කිරීමත් සමග ශ්‍රී ලංකාව ණය ප්‍රතිව්‍යුහගත කිරීමේ ශක්තියක් තිබෙන රටක් ලෙස ජාත්‍යන්තර සහතිකය ලැබී ඇති බැවින්, තවදුරටත් ශ්‍රී ලංකාව බංකොලොත් රටක් නොවන බව ජනාධිපති රනිල් වික්‍රමසිංහ මහතා පවසයි. 

IMF විස්තීරණ ණය පහසුකම අනුමත වීම සම්බන්ධයෙන් අද (21) විශේෂ ප්‍රකාශයක් සිදු කරමින් ජනාධිපතිවරයා ප්‍රකාශ කළේ,  මෙතැන් සිට සාමාන්‍ය ගනුදෙනු ආරම්භ කිරීමේ හැකියාව ද ශ්‍රී ලංකාවට හිමි වන බවයි.

ඉදිරියේදී මෙරට විදේශ විනිමය තත්ත්වය දියුණු වීමත් සමග අත්‍යවශ්‍ය භාණ්ඩ, ඖෂධ, සංචාරක කේෂ්ත්‍රයට අවශ්‍ය භාණ්ඩවල ආනයන සීමා ක්‍රමානුකූලව ඉවත් කිරීමට රජය කටයුතු කරන බව ද ජනාධිපතිවරයා කියා සිටියේ ය. 

මෙතැන් සිට අයි.එම්. එෆ්. එකඟතා අනුව ඉදිරියට යා යුතුව ඇති බව  සඳහන් කළ ජනාධිපතිවරයා ණය පහසුකම ලබා ගැනීම සඳහා සහය දුන් රටවලටත් ජාත්‍යන්තර මූල්‍ය අරමුදලේ සහ ලෝක බැංකුවේ ප්‍රධානීන් දෙදෙනාටත්  ස්තුතිය පළ කළේ ය. 

හෙට (22) පාර්ලිමේන්තුවේදී ජාත්‍යන්තර මූල්‍ය අරමුදල ලබාදුන් විස්තීරණ ණය පහසුකම  පිළිබඳ සම්පූර්ණ ප්‍රකාශයක් සිදු කරන බව ත් හෙට අදාළ එකඟතා ගිවිසුම සභාගත කරන බවත් ජනාධිපතිවරයා සඳහන් කළේ ය.  

• පණු රෝග කිහිපයකින් වී වගාවට බලපෑම්
• වෛරස් රෝගය වැළඳුණු ඌරන් ගොවිපොළවලින් පිටතට රැගෙන යාම අත්හිටුවයි
• ඉන්ධන කෝටාව ඉහළට
• IMF නියෝජ්‍ය කළමනාකරණ අධ්‍යක්ෂ කෙන්ජි ඔකමුරා නිල සංචාරයක් සඳහා අද දිවයිනට
• රංගිරි දඹුලු රජ මහා විහාරයේ සිතුවම්වල පුස් ඉවත් කිරීමට පියවර
• ජාතික පොසොන් සතිය අද සිට.. අනුරාධපුරයේ විශේෂ රථ වාහන සැලැස්මක්..
• ගෙවුණු දිනය උණුසුම් කළ පුවත්
• ඇෆ්ගනිස්ථාන කණ්ඩායමට එරෙහි එක්දින සංචිතය නම් කෙරේ,ටෙස්ට් ක්‍රිකට් නායක දිමුත් සංචිතයට කැඳවයි
• ඉන්දියාව අත්‍යවශ්‍ය ද්‍රව්‍ය ආනයනට දුන් ණය වැඩසටහන වසරකින් දීර්ඝ කෙරේ.
• ගිනි නිවීම් සේවා දෙපාර්තමේන්තුවේ හදිසි ඇමතුම් අංකවල බිඳවැටීමක්