COLOMBO (News 1st) – විදේශ රැකියා ඒජන්සි ආයතන බලපත්‍රය නිකුත් කිරීමේදී තබා ගන්නා බැංකු ඇපකරය රුපියල්  750,000 සිට රුපියල් මිලියන 3 ක් දක්වා ඉහළ දමා තිබේ. 

විදේශ සේවා නියුක්ති කාර්යාංශය නිකුත් කළ නිවේදනයක දැක්වෙන්නේ දෙවන වසරේ සිට එය මිලියන 5 දක්වා ඉහළ දැමීමට අපේක්ෂා කරන බවයි. 

ඒජන්සි ආයතන මගින් විදෙස්ගත වන පුද්ගලයින්ගේ සේවා ගිවිසුම් අනුව ඔවුන්ට හිමි වැටුප් හා අනෙකුත් දීමනා නොගෙවීම් සම්බන්ධයෙන් පැමිණිලි විභාගයකින් පසුව තක්සේරු කරනු ලබන වැටුප් දීමනා ගෙවීම්, අතිරේක මුදල් අයකර ගැනීම් සම්බන්ධයෙන් විදේශ සේවා නියුක්ති කාර්යාංශය අදාළ ඒජන්සි ආයතනයට ගෙවීම් සම්බන්ධව නියෝග නිකුත් කරන බව අදාළ නිවේදනයේ සඳහන් ය. 

එම ගෙවීම් සිදු කිරීමට ඒජන්සි ආයතනය කටයුතු නොකරයි නම්, ඔවුනගේ බැංකු ඇප මුදලින් නීත්‍යනුකූල පරිදි අයකර ගැනීම් සිදු කරන බව ද විදේශ සේවා නියුක්ති කාර්යාංශය දැනුම් දෙයි. 

ඉදිරියේදී ඒජන්සි ආයතනයන්හි ක්‍රියාකාරීත්වය දැඩි නියාමනයකට ලක් කිරීමට ද විදේශ සේවා නියුක්ති කාර්යාංශය අපේක්ෂා කරන බව එම නිවේදනයේ වැඩිදුරටත් සඳහන් වේ.   

• අද මධ්‍යම රාත්‍රියේ සිට ඉන්ධන මිල සංශෝධනය කෙරේ
• ජනපති රනිල්ගෙන් හෙට (01) ජාතිය අමතා විශේෂ ප්‍රකාශයක්
• සමාජ මාධ්‍ය ක්‍රියාකාරී බෲනෝ දිවාකර CID අත්අඩංගුවට
• දශක දෙකකට පසු යළි ත් උපන් බිමට යන්න හදන සක් සුරීන්
• ගිනි නිවීම් සේවා දෙපාර්තමේන්තුවේ බිඳ වැටුණු අංක යථා තත්ත්වයට පත් කෙරේ
• පොසොන් පොහොය වෙනුවෙන් විශේෂ දුම්රිය ගමන් වාර 10ක්
• ජපානය සහ දකුණු කොරියාව තැති ගන්වමින් උතුරු කොරියාව රොකට්ටුවක් ගුවන්ගත කරයි
• නිල සංචාරයක් සඳහා අගමැති තායිලන්තයට
• පණු රෝග කිහිපයකින් වී වගාවට බලපෑම්
• වෛරස් රෝගය වැළඳුණු ඌරන් ගොවිපොළවලින් පිටතට රැගෙන යාම අත්හිටුවයි