COLOMBO (News1st):ලෝක දේශපාලනයේ සුවිශේෂී සංධිස්ථානයක් සනිටුහන් කරමින් චීන ජනාධිපති ෂී ජින් පින් රුසියාවට ළඟා වී තිබේ.
 
තුන්වැනිවරටත් ජනපතිධුරයට පත් චීන ජනපති ෂී ජින් පින් මෙම සංචාරයට එක් වීමට ප්‍රථමයෙන් පුවත්පත් වෙත අදහස් පළ කරමින් ප්‍රකාශ  කළේ,මෙම සංචාරය දෙරට අතර සබඳතා නව මානයකට ගෙන යනු ඇති බවයි.

වැඩි දුරටත් මොස්කව් ගුවන්තොටුපළේදී මාධ්‍යවේදීන් හමුවේ අදහස් පළ කරමින් ඔහු පෙන්වා දී ඇත්තේ,  රුසියාව සහ චීනය අතර සබඳතාව හොඳ අසල්වැසියන් මෙන්ම සුහද හවුල්කරුවන් ලෙසයි.

චීන ජනපතිවරයාගේ පැමිණීම පිළිබඳව අදහස් පළ කරමින් රුසියානු ජනපති ව්ලැඩ්මියර් පුටින් ද මාධ්‍ය වෙත අදහස් දක්වමින් කියා සිටියේ,සිය පැරණි මිතුරාගේ පැමිණීම පිළිබඳව සුබවාදී අපේක්ෂාවන් තමා සතුවන බවයි.

එසේම චීන රජය විසින් ඉදිරිපත් කර ඇති යෝජනාවලිය හරහා යුක්‍රේන ගැටුම්කාරී වාතාවරණය නිමාවක් දැකීමේ හැකියාවක් පවත්නා බවත්,අදාළ යෝජනාවලිය තුළින් ගෝපීය අපේක්ෂා පෙන්නුම් කරන බවද රුසියානු ජනපතිවරයාගේ අදහසයි.

ජාත්‍යාන්තර අපරාධ අධිකරණයෙන් රුසියානු ජනපතිට එරෙහිව වරෙන්තුවක් පවා නිකුත් කර ඇති පසුබිමක චීන ජනපතිවරයාගේ මෙම සංචාරය පිළිබඳව ජාත්‍යාන්තරයේ අවධානය දැඩිව යොමු වී තිබේ.

කෙසේ වෙතත් අපරාධ අධිකරණයේ වරෙන්තු නිකුත් කර ඇති මෙහොතක දීත් රුසියානු ජනපතිවරයා නීතිවිරෝධී ලෙස සිය භූමියට ඈඳාගත් යුක්‍රේනයට අයත්ව තිබූ Mariupol වරාය නගරයේ සංචාරයක නිරත වීම පිළිබඳවද විදෙස් මාධ්‍ය වාර්තා කර තිබේ.

• භාණ්ඩ රැසක ආනයන සීමා ඉවතට
• ජංගම දුරකතන හා උපාංග මිල පහළ දැමීමේ තීරණයක්
• බ්‍රිතාන්‍යයේ හිටපු අගමැති බොරිස් ජොන්සන් සිය පාර්ලිමේන්තු මන්ත්‍රී ධුරයෙන් ඉල්ලා අස්වෙයි
• ලෝක කුසලානයේ සුදුසුකම් ලබා ගැනීමේ තරග වටයට සහභාගී වන ශ්‍රී ලංකා කණ්ඩායම දිවයිනෙන් පිටත්ව යයි
• සිරස TV අද සිය 25 වැනි සංවත්සරය සමරයි
• ලංගම වාර ප්‍රවේශ පත්‍ර ගාස්තු සම්බන්ධයෙන් සොයා බැලීම සඳහා කමිටුවක්
• 9 ශ්‍රේණියෙන් පහළ යාපනයේ සිසුන්ට සිකුරාදා හා ඉරිදා දිනවල පෞද්ගලික පන්ති නැහැ
• සියලු පාසල් ආශ්‍රිතව අද සහ හෙට මදුරු මර්දන වැඩසටහන්
• කංසා වගාකිරීමේ නියමු ව්‍යාපෘතියට කැබිනට් මණ්ඩලයෙන්ද අවසර ගැනීමට කටයුතු කරනවා – දිලුම් අමුණුගම
• ගෙවුණු දිනය උණුසුම් කළ පුවත්