සජබ වේදිකාවට නැග්ගේ ජනතාව වෙනුවෙන් - දමිතා අබේරත්න

COLOMBO (News 1st) - තමන් අරගලය සඳහා ඉදිරිපත් වූයේ ජනතාව වෙනුවෙන් මිස වෙනත් ලාභ ප්‍රයෝජන සඳහා නොවන බව ප්‍රවීණ රංගන ශිල්පී දමිතා අබේරත්න පැවසුවාය. 

ඇය මේ බව පැවසුවේ අද(10) පැවති මාධ්‍ය හමුවකදීය.

ඇය එහිදී පැවසුවේ තමන් සමගි ජන බලවේගයේ වේදිකාවට නැග්ගේ මුදල්වලට නොව ජනතාව වෙනුවෙන් බවය. 

තමන් පෞද්ගලික වාසි ප්‍රයෝජන වෙනුවෙන් සමගි ජන බලවේගය සමග එකතු වූ බවට ජනතා විමුක්ති පෙරමුණ කරන චෝදනා ප්‍රතික්ෂේප කරන බව ද ඇය එම මාධ්‍ය හමුවේදී වැඩිදුරත් පැවසුවාය.