COLOMBO (News 1st) – පළාත් පාලන ඡන්ද විමසීමට අදාළව  තැපැල් ඡන්ද පත්‍රකා දින 5 ක් තුළ ද අනෙකුත් ඡන්ද පත්‍රිකා දින 20 ත් 25 ත් ඇතුළත ද මුද්‍රණය කර ලබා දීමට හැකි බව රජයේ මුද්‍රණාලයාධිපතිනිය මැතිවරණ කොමිසමට දැනුම් දී තිබේ. 

නිවේදනයක් නිකුත් කරමින් කොමිසම පවසන්නේ,  මුදල් අමාත්‍යංශ ලේකම්වරයා මගින් අදාළ මුදල් ලබා ගන්නා ලෙස දැනුම් දුන් බවයි. 

එමෙන්ම මුද්‍රණාලයාධිපතිනිය කරන ලද ඉල්ලීම අනුව පොලිස් ආරක්ෂාව සම්බන්ධයෙන් අවශ්‍ය  නිලධාරීන් සංඛ්‍යාව සහ අවශ්‍ය දින පිළිබඳ තොරතුරු පොලිස්පතිවරයා වෙත යොමු කරන ලෙස හා ඒ අනුව අවශ්‍ය ආරක්ෂාව ලබාදිය හැකි බව ජ්‍යෙෂ්ඨ නියෝජ්‍ය පොලිස්පති (මැතිවරණ) විසින් දන්වා ඇති බව ද කොමිසම නිකුත් කළ නිවේදනයේ වැඩිදුරටත් සඳහන් ය. 

කොමිෂන් සභාවේ ඉල්ලීම පරිදි ඡන්ද විමසීමට අදාළ ඉන්ධන ලබා දීමේ තීරණය විදුලි බල හා බලශක්ති අමාත්‍යංශ ජ්‍යේෂ්ඨ නිලධාරීන් හා ඛණිජ තෙල් සංස්ථා නිලධාරීන් විසින් ඉදිරි දින කිහිපය තුළදී ලබා දීමට ද එකතාව පළ කර තිබේ. 

එමෙන්ම ඡන්දයට ඉදිරිපත් වී සිටින රාජ්‍ය සේවකයින් ගේ මූලික වැටුප පමණක් ඡන්දය ප්‍රමාද වන කාලය තුළ ගෙවීමට සුදුසු බව ද මැතිවරණ කොමිෂන් සභාව නිර්දේශ කර තිබේ. 
 

• ඉන්ධන කෝටාව ඉහළට
• IMF නියෝජ්‍ය කළමනාකරණ අධ්‍යක්ෂ කෙන්ජි ඔකමුරා නිල සංචාරයක් සඳහා අද දිවයිනට
• රංගිරි දඹුලු රජ මහා විහාරයේ සිතුවම්වල පුස් ඉවත් කිරීමට පියවර
• ජාතික පොසොන් සතිය අද සිට.. අනුරාධපුරයේ විශේෂ රථ වාහන සැලැස්මක්..
• ගෙවුණු දිනය උණුසුම් කළ පුවත්
• ඇෆ්ගනිස්ථාන කණ්ඩායමට එරෙහි එක්දින සංචිතය නම් කෙරේ,ටෙස්ට් ක්‍රිකට් නායක දිමුත් සංචිතයට කැඳවයි
• ඉන්දියාව අත්‍යවශ්‍ය ද්‍රව්‍ය ආනයනට දුන් ණය වැඩසටහන වසරකින් දීර්ඝ කෙරේ.
• ගිනි නිවීම් සේවා දෙපාර්තමේන්තුවේ හදිසි ඇමතුම් අංකවල බිඳවැටීමක්
• ආනයනික පළතුරුවල බැර ලෝහ පරීක්ෂා කිරීම අනිවාර්ය කෙරේ
• බොතලාපිටියේදී මහවැලි ගඟේ ගිලී සිසුවෙක් මිය යයි