කොළඹ ප්‍රදේශ රැසකට අනිද්දා (4) පැය 24ක ජල කප්පාදුවක්

COLOMBO (News 1st) – කොළඹ ප්‍රදේශ රැසකට අනිද්දා ( 04) පස්වරු 2.00 සිට පැය 24 ක් ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසයි. 

ඒ අනුව , කොළඹ 01 සිට 04 දක්වා සහ කොළඹ 07 සිට 11 දක්වා යන ප්‍රදේශවලට මෙන්ම කඩුවෙල , කොලොන්නාව නගර සභා ප්‍රදේශය , වැල්ලම්පිටිය සහ කොටිකාවත්ත යන ප්‍රදේශවලට ජල සැපයුම අත්හිටුවනු ඇති. 

 ජල සම්පාදන හා ජලාපවහන මණ්ඩලය නිවේදනය කළේ, මාලිගාකන්ද ජලාශය වෙත ජලය සැපයෙන සම්ප්‍රේෂණ ජල නළ පද්ධතියේ නඩත්තු කටයුතු ජල සැපයුම අත්හිටුවීමට හේතුවී ඇති බවයි.