COLOMBO ( News 1st ) – මැතිවරණ කොමිසම අද (24) රැස්වේ. 

ඒ මුදල් ලබා නොදීමේ පසුබිමක දැනට ප්‍රකාශයට පත් කර ඇති පළාත් පාලන මැතිවරණය සම්බන්ධයෙන් අවසන් තීරණයක් ගැනීම සඳහායි.

මැතිවරණ කොමිසම මීට පෙර  තීරණය කර තිබුණේ, පළාත් පාලන මැතිවරණය ලබන මස 09 වැනිදා පැවැත්වීමටයි.  

එහෙත් මුදල් ලබා නොදීමේ ගැටලුවක් හේතුවෙන් තැපැල් ඡන්ද පත්‍රිකා නිකුත් කිරීම රජයේ මුද්‍රණාලයාධිපතිවරිය ප්‍රතික්ෂේප කිරිමත් සමග තැපැල් ඡන්දය කල් දැමිමට සිදුවූ අතර ඒ අනුව මැතිවරණය සැලසුම් කළ දිනට පැවැත්වීමට දැඩි බාධා මතුව තිබේ. 

මේ අතර  පාර්ලිමේන්තුවේදී ඊයේ අදහස් දක්වමින් ජනාධිපති රනිල් වික්‍රමසිංහ මහතා අවධාරණය කළේ පළාත් පාලන ඡන්දය පැවැත්වීමට නිල වශයෙන් මේ දක්වා නීත්‍යනුකූලව දිනයක් නම්කර නොමැති බවයි.

ඔහු කියා සිටියේ ඡන්දය පැවැත්වෙන බව කියමින් දැනට ප්‍රකාශයට පත්කර ඇති දිනය නීත්‍යනුකූල නොමැති බවයි.

කෙසේ වෙතත් පළාත් පාලන මැතිවරණය කැඳවුයේ ආණ්ඩුක්‍රම ව්‍යස්ථාවට හා මැතිවරණ නීතියට අනුව නිත්‍යනුකූලව බව මැතිවරණ කොමිසමේ සභාපති නීතිඥ නිමල් පුංචිහේවා මහතා පැවසී ය. 

ඔහු ප්‍රකාශ කළේ,  එම ක්‍රියාවලිය මැතිවරණ කොමිෂන් සභාවේ සියලු සමාජිකයින්ගේ එකඟතාව ඇතිව සිදුවූ බවයි.

මේ අතර පළාත් පාලන ඡන්දය වළක්වන නියෝගයක් ඉල්ලා විශ්‍රාමික කර්නල් ඩබ්ලිව්.එම්.ආර් විජේසුන්දර මහතා ගොනුකළ පෙත්සම නැවත සලකා බැලීම මැයි 11 වනදා දක්වා කල් තැබීමට ශ්‍රේෂ්ඨාධිකරණය ඊයේ තීරණය කළේ ය. 
 

• අර්බුදයෙන් අත්මිදීමට ලංකාවට තවදුරටත් සහය දීමට සූදානම් – IMF නියෝජ්‍ය කළමනාකාර අධ්‍යක්ෂක
• නිවසක ගෙවත්තේ වළ දමා තිබූ මළ සිරුරක් ගොඩ ගැනේ..
• සිමෙන්ති කොට්ටයක මිලත් අඩු වන ලකුණු..
• ප්‍රමාණවත් ඉන්ධන තොග තියෙනවා, අනිසි කලබලයක් ඇති කර නොගන්න – කංචන විජේසේකර
• යුද්ධ හමුදාවට අපහාස කළැයි ශවේන්ද්‍ර සිල්වාගෙන් විමල් වීරවංශට එන්තර වාසියක්..
• පොසොන් පොහොය වෙනුවෙන් සිරකරුවන් පිරිසකට ජනපති සමාව..
• CID අත්අඩංගුවට පත් සමාජ මාධ්‍ය ක්‍රියාකාරී බෲනෝ දිවාකර ලබන 7 දක්වා රිමාන්ඩ්
• ප්‍රතිපත්ති පොලී අනුපාත පහළ හෙලීමට ශ්‍රී ලංකා මහ බැංකුව තීරණයක්
• ඉලෝන් මස්ක් නැවතත් ලොව ධනවතුන් අතර පළමු තැනට
• පොසොන් උත්සවය වෙනුවෙන් හෙට සිට විශේෂ ප්‍රවාහන සේවා