COLOMBO ( News 1st ) – ශ්‍රී ලංකා මහජන උපයෝගිතා කොමිසමේ(PUCSL) සාමාජිකත්වයෙන් මොහාන් සමරනායක සහ උදේනි වික්‍රමසිංහ යන මහත්වරුන් ඉල්ලා අස් වී තිබේ.

ඒ ජනාධිපතිවරයා වෙත ලිපියක් යොමු කරමිනි. 

සිය ඉල්ලා අස්වීමේ ලිපි මගින් ඔවුන් ජනාධිපතිවරයාට දැනුම් දී ඇත්තේ, මහජන උපයෝගිතා කොමිසම පසුගිය කාල සීමාව තුළ කිසිදු වෘත්තියභාවයකින් තොරව කටයුතු කරමින් සිටීම සිය ඉල්ලා අස්වීමට හේතුව බව ය.

මෑතකදී මහජන උපයෝගිතා කොමිසම තුළට මැරයන් පිරිසක් ඇතුළු වී තමන්ට තර්ජනය කිරීමේ සිදුවීම සහ එම සිදුවීම ඊට පසු දින මහජන උපයෝගිතා කොමිසමේ සභාපතිවරයා සාධාරණීකරණය කිරීම මගින් ඒ බව තහවුරු වන බව ඔවුන්ගේ ඉල්ලා අස්වීමේ ලිපියේ සඳහන් ය.

එහි දැක්වෙන්නේ, මහජන උපයෝගිතා කොමිසමේ සභාපතිවරයා කොමිස‍මේ සෙසු සාමාජිකයින්ගේ කැමැත්තතෙන් තොරව සිය තනි අභිමතය පරිදි තීරණ ගෙන ඒවා නිවේදනය කිරීමත් සිය ඉල්ලා අස්වීමට හේතුවක් බව ය.

මෙවැනි තත්ත්වයන් ‍මත තමන් සමාජය හමුවේ දුෂ්ඨයකු හා සමාන තත්ත්වයකට  පත් වී ඇති බව ද ඔවුන් සිය ලිපියේ දක්වා ඇති අතර අදාළ ලිපියේ පිටපත් මේ වනවිට විදුලිබල හා බලශක්ති අමාත්‍යවරයා වෙතත්, මහජන උපයෝගිතා කොමිසම වෙතත් යොමු කර ඇතැයි එම කොමිසම පැවසීය.

• පොලිස් භාරයට ගත් සමාජ ක්‍රියාකාරීන් මුදා හැරේ…
• ගම්මැද්ද පර්යේෂණ වාර්තා කැලණිය විශ්වවිද්‍යාලයට..
• මිරිහානේ විරෝධතාවක් අතරතුර සමාජ ක්‍රියාකාරීන් කිහිපදෙනෙක් පොලිස් භාරයට
• ලොව රටවල් 96 ක ක්‍රියාත්මක ස්ටීම් අධ්‍යාපන ක්‍රමවේදය මෙරටට හඳුන්වා දෙයි
• IMF ණය ලැබුණත් විදේශීය ණය ගෙවීම තවදුරටත් අර්බුදයක – ශ්‍රී ලංකා බලධාරීන්
• ශ්‍රී ලංකා ක්‍රිකට් පිලට ලෝක කුසලානයට සෘජුව පිවිසීමේ අවස්ථාව අහිමි විය..
• නේටෝ සංවිධානයේ සාමාජිකත්වය ලබා ගැනීම සඳහා ෆින්ලන්තයට තුර්කියේ අනුමැතිය හිමිවෙයි
• අයිතීන් උල්ලංඝණයට එරෙහිව නීතිමය පියවර ගැනීමට ඛනිජ තෙල් වෘත්තිකයින් සැරසෙයි.
• ඛනිජ තෙල් බෙදා හැරීමට බාධා කළ පුද්ගලයින්ට එරෙහිව CID හරහා විමර්ශනයක් කරන්නැයි ඇමති කංචන පොලිස්පතිගෙන් ඉල්ලයි
• දුම්රිය රියැදුරන් පිරිසක් ආරම්භ කළ වැඩවර්ජනය අත්හිටුවයි