COLOMBO (News 1st) – මානව හිමිකම් කොමිසම තමන්ට එරෙහිව ඉදිරිපත් කර ඇති පෙත්සම සලකා බැලීම අවසන් වන තුරු විදුලිය අඛණ්ඩව ලබාදීමට ලංකා විදුලි බල මණ්ඩලය ඊයේ (02) ශ්‍රේෂ්ඨාධිකරණයට දුන් පොරොන්දුව අද (03) ඉල්ලා අස්කර ගෙන තිබේ.

විදුලිබල මණ්ඩලය වෙනුවෙන් පෙනී සිටි ජනාධිපති නීතිඥ රොමේෂ් ද සිල්වා මහතා අද ශ්‍රේෂ්ඨාධිකරණයට ඒ බව දැනුම් දුන්නේ, පෙත්සම කැඳවූ අවස්ථාවේදී යි. 

ගාමිණි අමරසේකර, කුමුදුණි වික්‍රමසිංහ හා ශිරාන් ගුණරත්න යන විනිසුරු මඩුල්ල හමුවේ අද පෙත්සම සලකා බැලුණි.

පෙත්සම සලකා බැලීම අද දිනයට අවසන් කිරීමෙන් අනතුරුව ජනාධිපති නීතිඥවරයා අධිකරණයට දැනුම් දුන්නේ, අද සිට ක්‍රියාත්මක වන පරිදි එම ප්‍රතිඥාව ඉල්ලා අස් කර ගන්නා බවයි.

විදුලිබල මණ්ඩලය ඊයේ ශ්‍රේෂ්ඨාධිකරණයට ලබා දුන් ප්‍රතිඥාව අවසන් කරන්නේ නම් අපොස උසස් පෙළ විභාගය පැවැත්වෙන කාලය අතරතුරදී විදුලිය විසන්ධි කිරීම වළක්වන අතුරු තහනම් නියෝගයක් නිකුත් කරන ලෙස පෙත්සම්කාර ශ්‍රී ලංකා මානව හිමිකම් කොමිෂන් සභාව වෙනුවෙන් පෙනී සිටි ජනාධිපති නීතිඥ උපුල් ජයසුරිය මහතා අධිකරණයෙන් ඉල්ලා සිටි නමුත් විනිසුරු මඩුල්ල එය ප්‍රතික්ෂේප කළේ ය.

පෙත්සම යළි ලබන 7 වැනි දා පස්වරු 1.30 කැඳවීමට නියමිතයි.

• ගෙවුණු දවස උණුසුම් කළ පුවත්
• පොලිස් භාරයට ගත් සමාජ ක්‍රියාකාරීන් මුදා හැරේ…
• ගම්මැද්ද පර්යේෂණ වාර්තා කැලණිය විශ්වවිද්‍යාලයට..
• මිරිහානේ විරෝධතාවක් අතරතුර සමාජ ක්‍රියාකාරීන් කිහිපදෙනෙක් පොලිස් භාරයට
• ලොව රටවල් 96 ක ක්‍රියාත්මක ස්ටීම් අධ්‍යාපන ක්‍රමවේදය මෙරටට හඳුන්වා දෙයි
• IMF ණය ලැබුණත් විදේශීය ණය ගෙවීම තවදුරටත් අර්බුදයක – ශ්‍රී ලංකා බලධාරීන්
• ශ්‍රී ලංකා ක්‍රිකට් පිලට ලෝක කුසලානයට සෘජුව පිවිසීමේ අවස්ථාව අහිමි විය..
• නේටෝ සංවිධානයේ සාමාජිකත්වය ලබා ගැනීම සඳහා ෆින්ලන්තයට තුර්කියේ අනුමැතිය හිමිවෙයි
• අයිතීන් උල්ලංඝණයට එරෙහිව නීතිමය පියවර ගැනීමට ඛනිජ තෙල් වෘත්තිකයින් සැරසෙයි.
• ඛනිජ තෙල් බෙදා හැරීමට බාධා කළ පුද්ගලයින්ට එරෙහිව CID හරහා විමර්ශනයක් කරන්නැයි ඇමති කංචන පොලිස්පතිගෙන් ඉල්ලයි