මේ වසර අවසන් වනවිට ආර්ථිකය යහපත් වේවි - ජනපති

COLOMBO (News 1st)  - මේ වසර අවසන් වන විට රටේ ආර්ථිකය යහපත් තත්ත්වයට පත්වනු ඇතැයි, ජනාධිපති රනිල් වික්‍රමසිංහ මහතා පවසයි.

ජනාධිපතිවරයා මේ බව සඳහන් කළේ, ත්‍රිවිධ හමුදා ජ්‍යේෂ්ඨ නිලධාරීන් 77 දෙනෙකුට විශිෂ්ඨ සේවා විභූෂණ සම්මාන ප්‍රදානය කිරීමේ අවස්ථාවට එක් වෙමිනි.

2019 , 2020 , 2021 වර්ෂවලට අදාළව යුධ හමුදා නිලධාරීන් 53 දෙනෙක් , නාවික හමුදා නිලධාරීන් 17 දෙනෙක් හා ගුවන් හමුදා නිලධාරීන් 7 දෙනෙක් වෙනුවෙන් මෙහිදී පදක්කම් ප්‍රදානය කෙරුණි.