උසස් පෙළ විභාගය අවසන් වන තුරු විදුලිය කප්පාදුවක් සිදු නොකරන ලෙස නියෝගයක් නිකුත් කරන්නැයි ඉල්ලා මූලික අයිතිවාසිකම් පෙත්සමක්

COLOMBO (News 1st) - උසස් පෙළ විභාගය අවසන් වන තුරු විදුලිය කප්පාදුවක් සිදු නොකරන ලෙස , බලධාරීන්ට  නියෝගයක් නිකුත් කරන්නැයි ඉල්ලා , ලංකා ගුරු සංගමයේ ලේකම්, ජෝසප් ස්ටාලින් මහතා ශ්‍රේෂ්ඨාධිකරණයට අද (01) මූලික අයිතිවාසිකම් පෙත්සමක් ගොනු කළේ ය.

ඒ , නීතීඥ ඩී.පී කෞෂල්‍යා සමරවීර මහත්මිය මගිනි.

විදුලි බල හා බලශක්ති අමාත්‍යංශයේ ලේකම්වරයා , විෂයභාර අමාත්‍යවරයා , විදුලිබල මණ්ඩලයේ සභාපතිවරයා , විභාග කොමසාරිස් ජනරාල්වරයා , නීතිපතිවරයා ඇතුළු පිරිසක්, මෙහි වගඋත්තරකරුවන් ලෙස නම් කර තිබේ.

මේ අතර ඇතිකරගත් එකඟතා කඩ කරමින් උසස් පෙළ විභාග සමයේදී විදුලිය කප්පාදු කිරීමට එරෙහිව ශ්‍රී  ලංකා මානව හිමිකම් කොමිෂන් සභාව ද විදුලි බල මණ්ඩලයට එරෙහිව අධිකරණයට කරුණු වාර්තා කළේ ය.