රාජ්‍ය දේපොළ අවභාවිතය ගැන සාකච්ඡාවට මැතිවරණ කොමිසම අද බලධාරීන් කැඳවයි

COLOMBO (News 1st) - මැතිවරණ කටයුතුවලදී රාජ්‍ය දේපොළ අයුතු භාවිතය සම්බන්ධයෙන් විදාන ක්‍රියාත්මක කිරීම පිළිබඳව විශේෂ සාකච්ඡාවක් අද (31) පැවැත්වීමට නියමිතව තිබේ.

මැතිවරණ කොමසාරිස් ජනරාල් සමන් ශ්‍රී රත්නායක මහතා සඳහන් කළේ, මේ සාකච්ඡාව සඳහා රාජ්‍ය ආයතනවල නිලධාරීන් මැතිවරණ කොමිෂන් සභාවට කැඳවා ඇති බවයි.

මැතිවරණ කොමසාරිස් ජනරාල්වරයා සඳහන් කළේ, මාධ්‍ය ආයතන ප්‍රධානීන් ද අද දිනයේ මාධ්‍ය උපමාන පිළිබඳ සාකච්ඡා කිරීමට අද කැඳවා ඇති බවයි.

පළාත්පාලන ආයතනවල කොමසාරිස්වරුන් ද අද මැතිවරණ කොමිෂන් සභාවට කැඳවා තිබේ.