COLOMBO (News 1st) – ඉන්දියා – ශ්‍රී ලංකා තුන්වැනි එක්දින තරග⁣යේදී ඉන්දියාව හමුවේ ලැබූ ලකුණු 317ක වාර්තාගත පරාජය පිළිබඳව දින 5 ක් තුළ වාර්තාවක් දෙන්නැයි, ශ්‍රී ලංකා ක්‍රිකට් ආයතනය  කණ්ඩායම් කළමනාකාරීත්වයට නියෝග  කර තිබේ. 

ශ්‍රී ලංකා ක්‍රිකට් ආයතනය ඊයේ  නිකුත් කළ නිවේදනයේ දැක්වුණේ, කණ්ඩායමේ නායකයා, ප්‍රධාන පුහුණුකරු මෙන්ම තේරීම් කමිටුවේ අදහස්වලට අමතරව කණ්ඩායම් කළමණාකරුගේ අදහස්ද ඇතුළත් මෙම වාර්තාව දින 5කදී ඉදිරිපත් කරන ලෙස ද නියෝග කර ඇති බවයි.  ‍

මේ අතර ඉන්දීය තරග සංචාරයට සහභාගී වූ ශ්‍රී ලංකා  කණ්ඩායම ඊයේ යළි දිවයිනට පැමිණියේ ය.  

2023 වසරේ ශ්‍රී ලංකා ක්‍රිකට් කණ්ඩායම සහභාගී වූ පළමු තරග සංචාරය නිමා වූයේ තරගාවලි දෙකක පරාජයන් දෙකක් හිමිකර ගනිමිනි.  

සත්කාරක ඉන්දීය කණ්ඩායම සමග පැවැති පන්දුවාර 20යි 20 තරගාවලිය තරග 2ට 1ක් ලෙසත් එක්දින තරගාවලිය 3ට 0ක් ලෙසත් ශ්‍රී ලංකා කණ්ඩායම පරාජයට පත් විය. 

අවසන් එක්දින තරගය අතරතුර ආබාධයන්ට ලක්වූ අශේන් බණ්ඩාර සහ ජෙෆ්රි වැන්ඩසේද එලෙස පැමිණි කණ්ඩායමට ඇතුළත් වූහ.
 

• දුම්රිය රියැදුරන් පිරිසක් ආරම්භ කළ වැඩවර්ජනය අත්හිටුවයි
• මට්ටක්කුලියේදී තියුණු ආයුධවලින් පහර දී පුද්ගලයෙකු ඝාතනය කෙරේ
• ඔස්ට්‍රේලියා විවෘත පැරා මලල ක්‍රීඩා තරගාවලියේ දී ශ්‍රී ලංකාවට පදක්කම් දෙකක්
• අද (31) සිට Highway බස් ගාස්තු ත් පහළට
• ඉන්දියාවේ ආගමික උත්සවයක් අතරතුර ළිඳකට වැටීමෙන් මියගිය සංඛ්‍යාව 35 ක් දක්වා ඉහළට
• යාපනයේදී තියුණු ආයුධයකින් ඇන පුද්ගලයෙකු ඝාතනය කෙරේ
• ක්‍රිප්ටෝ මුදල් (Cryptocurrency) භාවිතය සහ ආයෝජනය කිරීමේ අවදානම ගැන මහබැංකුව මහජනතාවට නිවේදනයක්
• ඉන්දියාවෙන් තවත් බිත්තර ලක්ෂ 20ක් අඟහරුවාදා දිවයිනට..
• බස් ගාස්තු පහළට….පාසල් ප්‍රවාහන සේවා ගාස්තුත් අඩු කෙරේ…
• පැතුම් නිස්සංකගෙන් අර්ධ ශතකයක්…