කොළොම්බියානු ගුවන් සේවයට අයත් යානයක මළ සිරුරු දෙකක්

COLOMBO ( News 1st ) - කොළොම්බියානු ගුවන් සේවයට අයත් යානයක බහාලුම් කලාපයේ තිබී පුද්ගල මළ සිරුරු 02ක් සොයාගෙන තිබේ. 

විදෙස් මාධ්‍ය වාර්තා කළේ, කොළොම්බියාවේ බොගෝටා නගරයේ ගුවන්තොටුපොළ බලධාරීන් එම මළ සිරුරු සොයාගත් බව ය. 

මියගිය පුද්ගලයින්ගේ අනන්‍යතාවය මෙතෙක් තහවුරු කරගෙන නොමැති අතර ඔවුන් වයස අවුරුදු 15 - 20ත් අතර වයසේ පසුවන්නන් බව කොළොම්බියානු බලධාරීන් වැඩිදුරටත් ප්‍රකාශ කර තිබේ.