ශාෆ්ටර් ඝාතනයේ මහේස්ත්‍රාත් පරීක්ෂණය මාධ්‍යට වැසේ

COLOMBO ( News 1st ) - ප්‍රකට ව්‍යාපාරික දිනේෂ් ශාෆ්ටර් මහතාගේ මරණය සම්බන්ධයෙන් මහේස්ත්‍රාත් පරීක්ෂණය ඥාතීන්ගේ ඉල්ලීම මත අද (04) කොළඹ අතිරේක මහේස්ත්‍රාත් රජින්ද්‍රා ජයසූරිය මහත්මියගේ නිල මැදිරියේදී සිදුවිය.

මේ නිසා එහි තොරතුරු අද (04) මාධ්‍යට අනාවරණය නොවූ අතර අප වාර්තාකරු ප්‍රකාශ කළේ, එහිදී දිනේශ් ශාෆ්ටර් මහතාගේ බිරිඳගේ සහ ඔහු යටතේ සේවය කළ විධායක නිලධාරියෙකු සාක්ෂි ලබාදී ඇති බව ය.

වැඩිදුර සාක්ෂි සටහන් කර ගැනීම ලබන 10 වැනිදා දක්වා කල්තැබීමට අතිරේක මහේස්ත්‍රාත්වරිය නියෝග කර තිබේ.