COLOMBO (News 1st) – ඇප මත මුදා හැර සිටි සංවිධානාත්මක අපරාධකරුවෙකු වන මොහොමඩ් නජීම් මොහොමඩ් ඉම්රාන් හෙවත් කංජිපානි ඉම්රාන් නමැත්තා වෙනුවෙන් අධිකරණය හමුවේදී  ඇප බැඳුම්කරවලට අත්සන් තැබු පුද්ගලයින් තිදෙනෙකුට වහාම අධිකරණය හමුවේ පෙනී  සිටින ලෙස දන්වා සිතාසි යැවීමට කොළඹ අතිරේක මහේස්ත්‍රාත් කේමින්ද පෙරේරා මහතා අද (04) නියෝග කළේ ය.

ඒ,පුද්ගලයෙකු ඝාතනය කිරීමට තැත් කිරීම සහ ඒ සඳහා ආධාර අනුබල දීම නැමැති චෝදනා යටතේ කංජිපානි ඉම්රාන් නමැත්තා ඇතුළු සැකකරුවන් තිදෙනෙකුට එරෙහිව පවරා තිබු නඩුවක් අද (04) කැඳවූ අවස්ථාවේද ය. 

අද (04) කංජිපානි ඉම්රාන් නමැත්තා හෝ ඔහුගේ ඇපකරුවෝ අධිකරණයේ පෙනී නොසිටියහ.

මේ හේතුවෙන් කොළඹ අපරාධ කොට්ඨාසය කළ කරුණු දැක්වීම සලකා බැලු අතිරේක මහේස්ත්‍රාත්වරයා එම ඇපකරුවන් තිදෙනා වහාම තම අධිකරණයට ඉදිරිපත් කිරීමට පියවර ගන්නා ලෙසට කොළඹ අපරාධ කොට්ඨාසයට නියෝගකර තිබේ.

කංජිපානි ඉම්රාන් නමැත්තා කොළඹ මහාධිකරණය විසින් කළ නියෝගය අනුව ඇප බැඳූම්කරවලට යටත්ව ඇපමත මුදා හැරීමට කොළඹ අතිරේක මහේස්ත්‍රාත් කේමින්ද පෙරේරා මහතා මින් පෙර නියම කොට තිබුණි.

කංජිපානි ඉම්රාන් නැමැත්තාට එරෙහිව විවිධ චෝදනා යටතේ, එනම් මිනිස් ඝාතන සිදුකිරීමට තැත් කිරිම ඒ සඳහා ආධාර අනුබලදීම සහ කුමන්ත්‍රණය කිරීම ඇතුළු චෝදනා යටතේ නඩු කිහිපයක් පවතින බවත්,කොළඹ අපරාධ කොට්ඨාසය එහිදි අධිකරණයට දැනුම්දෙනු ලැබී ය.

එලෙස ඇප මත මුදා හරිනු ලැබු කංජිපානි ඉම්රාන් නමැත්තා මේ වනවිට රහසිගතව විදේශ ගතවී ඇති බවට තොරතුරු ලැබී  ඇති බවත්,කොළඹ අපරාධ කොට්ඨාසය එහිදි අධිකරණයට වැඩිදුරටත් පෙන්වා දී තිබේ.

• අර්බුදයෙන් අත්මිදීමට ලංකාවට තවදුරටත් සහය දීමට සූදානම් – IMF නියෝජ්‍ය කළමනාකාර අධ්‍යක්ෂක
• නිවසක ගෙවත්තේ වළ දමා තිබූ මළ සිරුරක් ගොඩ ගැනේ..
• සිමෙන්ති කොට්ටයක මිලත් අඩු වන ලකුණු..
• ප්‍රමාණවත් ඉන්ධන තොග තියෙනවා, අනිසි කලබලයක් ඇති කර නොගන්න – කංචන විජේසේකර
• යුද්ධ හමුදාවට අපහාස කළැයි ශවේන්ද්‍ර සිල්වාගෙන් විමල් වීරවංශට එන්තර වාසියක්..
• පොසොන් පොහොය වෙනුවෙන් සිරකරුවන් පිරිසකට ජනපති සමාව..
• CID අත්අඩංගුවට පත් සමාජ මාධ්‍ය ක්‍රියාකාරී බෲනෝ දිවාකර ලබන 7 දක්වා රිමාන්ඩ්
• ප්‍රතිපත්ති පොලී අනුපාත පහළ හෙලීමට ශ්‍රී ලංකා මහ බැංකුව තීරණයක්
• ඉලෝන් මස්ක් නැවතත් ලොව ධනවතුන් අතර පළමු තැනට
• පොසොන් උත්සවය වෙනුවෙන් හෙට සිට විශේෂ ප්‍රවාහන සේවා