පළාත් පාලන ආයතන 340ක් සඳහා නාමයෝජනා භාරගැනීමට අදාළ දැන්වීම් හෙට නිකුත් කෙරේ

COLOMBO (News 1st) - පළාත් පාලන ආයතනවල නාමයෝජනා කැඳවිමේ දැන්වීම හෙට(04) දිස්ත්‍රික් ලේකම්වරුන් මගින් නිකුත් කරන බව, ජාතික මැතිවරණ කොමිසම පවසයි.

කොමිසමේ ඉහළ නිලධාරියෙකු සඳහන් කළේ, නාමයෝජනා කැඳවීමේ දැන්වීම පළකර දින 14කින් පසු නාමයෝජනා භාරගන්නා බවයි.

ඒ සඳහා දින තුන හමාරක කාලයක් ලබා දෙන බවද, ඔහු පැවසුවේ ය.

අදාළ දැන්වීමේ, නාමයෝජනා භාර ගන්නා දිනය, ස්ථානය, ඇප මුදල් සම්බන්ධ විස්තර, අපේක්ෂකයින් සංඛ්‍යාව, කාන්තා නියෝජනය ඇතුළු කරුණු ඇතුළත් වේ.

පළාත් පාලන ආයතන 341න් ආයතන 340ක් සඳහා මෙලෙස නාමයෝජනා කැඳවීමේ දැන්වීම නිකුත් වනු ඇති.